ಎಂಥ ಮಾಯದವನೆ ಪಾಂಡುರಂಗ ankita mohana vittala

 ರಾಗ - : ತಾಳ -

ಯಂಥ (ಎಂಥ) ಮಾಯದವನೆ ಪಾಂಡುರಂಗ l

ಯಂಥ ಮಾಯದವನೆ l

ಯಂಥ ಮಾಯದವ ತಂತುಕಾರನಿವ l

ಯೆಂತು ತಿಳಿಯದೆ ಮಹಂತ ಬೊಮ್ಮ ಶೌರಿ ll ಪ ll

ಮೂರು ತಿಂಗಳೊಳು ಮಾಮಿ ಎಂದು l

ವಾರಿನೋಟದಿ ನೋಡುತ್ತ l

ಆರುಬಲ್ಲರೊ ಹುಸೆ ಖರೆವೊ ಯೆಂದೆನಲು l

ಸಾರಿ ಪೇಳಿ ಪೋದನೆ ಪಾಂಡುರಂಗ ll 1 ll

ಆರನೇ ತಿಂಗಳೊಳ್ ನವಮಾಸ l

ಪೂರಾವಾಗೋ ಕಾಲದಿ l

ಭಾರಿಭಾರಿಗೆ ಬಂದು ಮಾಮಿ ಎಚ್ಚರಿಕೆಂದು l

ಸಾರಿ ಪೇಳಿ ಪೋದನೇ ಪಾಂಡುರಂಗ ll 2 ll

ಭೂಪತ್ವನದಿ ವ್ಯಾಳ್ಯದಿ ಬಂದು ನಿಂತು l

ಆ ಪದುಮೆಯರಸ ಆಪ l

ನ್ನಪಾಲ ಶ್ರೀಮೋಹನ್ನವಿಟ್ಠಲ l

ತಾಪೇಳಿ ಪೋದ ಕಾಣೆ ll 3 ll

***