ಚರಣವ ನಂಬಿಹೆನು ಶ್ರೀ ಗುರುರಾಯ ರಾಘವೇಂದ್ರ ankita janakiramana

ankita janakiramana

ರಾಗ: ಸುರಟಿ ತಾಳ: ಆದಿ

ಚರಣವ ನಂಬಿಹೆನು ಶ್ರೀ ಗುರುರಾಯ ರಾಘವೇಂದ್ರ ಪ

ಮರೆಯದೆ ಶರಣಾಗತರನು ಪೊರೆಯುವ 

ಕರುಣಾ ವಾರಿಧಿ ನೀವೆನುತ ಅ. ಪ

ಪರಿಪರಿ ಶಾಸ್ತ್ರಗಳ ಪಠಿಸುತ ಅ-

ದರ ಸಾರ ಗ್ರಹಿಸಲಿಲ್ಲ

ಗುರುಗಳ ಚರಣವ ಭಜಿಸದ ಮನುಜನು

ಧರಣಿಗೆ ಭಾರವು ಆಗಿಹನು 1

ನಿರುತದಿ ಗುರುಚರಣ ಭಜಿಸಲು 

ದೊರಕದು ಅರಕ್ಷಣವು

ಪೊರೆಯಲು ಸತಿಸುತರೆಲ್ಲರ ಅನುದಿನ

ತಿರುಗಿದೆ ಇಡಿದಿನ ಊರೊಳಗೆ 2

ಅನ್ಯರನಾನರಿಯೆ ಗುಣನಿಧಿ ನಿ-

ಮ್ಮನು ನಾ ಮರೆಯೆ

ಜಾನಕಿರಮಣನ ಗುಣಗಳ ಪಾಡಲು

ಜ್ಞಾನವ ಕರುಣಿಸು ನೀ ಧೊರೆಯೇ 3

***