ಮಧ್ವಸಿದ್ಧಾಂತ ವೈಭವ ನೋಡಿರೈ ಸಭೆಯ ankita karpara narahari

ಮಧ್ವಸಿದ್ಧಾಂತ ವೈಭವ ನೋಡಿರೈ ಸಭೆಯ

ವೈಭವ ನೋಡಿರೈ ಪ

ಗುರುವರೇಣ್ಯ ಸತ್ಯ ಪ್ರಮೋದ ತೀರ್ಥರು ಸಂಭ್ರಮದಲಿ

ಮೆರೆದು ಬರುವ ವೈಭವ ನೋಡಿರೈ 1

ಪರಮಹಂಸ ಪರಿವ್ರಾಜಕಾದಿ ಸ

ದ್ಬಿರುದುಗಳಿಂದಲಿ ಕರೆಸಿಕೊಳ್ಳುವ 2

ಅಂದಣದಲಿ ನಲುವಿಂದ ಪರಾಶರ

ಕಂದನ ನಿರಿಶ್ಯಾನಂದ ಬಡುವ 3

ಸುಂದರ ರಾಜಮಹೇಂದ್ರ ಪುರದಿ ಜನ

ಸಂದಹಿಯೋಳ್ಬುಧ ವೃಂದ ಬರುವ 4

ಮೋದತೀರ್ಥ ಸುಮತೋದಧಿ ಚಂದ್ರ ಪ್ರ

ಮೋದ ತೀರ್ಥರಿವರೆಂದು ನುಡಿವ 5

ಮೇದಿನಿ ಸುರಕೃತ ವೇದ ಘೋಷಣ ಸು-

ನಾದ ಭರಿತ ಬಹುವಾದ್ಯ ನಿನದ 6

ಹರಿದಾಸರು ಸುಸ್ವರದಿ ಪಾಡುತಲಿ

ಪರವಶದಲಿ ತನುಮರೆದು ಕುಣಿವ7

ಕಂಡೆನು ಪರಮತ ಖಂಡನದಿ ಸುಧೆಯ

ಮಂಡನೋತ್ಸವದಿ ಕಂಡುಬರುವ 8

ಚಲುವ ಗುರು ಚರಣ ಜಲಜಕೆ ನಮಿಸುತ

ಲಲನೆಯರಾರುತಿ ಬೆಳಗುತಿರುವ 9

ನೇಮದಿ ಎಡಬಲ ಭೂಮಿಸುರರು ಕೈ

ಚಾಮರ ಬೀಸುತ ಸಾಮ ಪಠಣ10

ಭಯವ ಪುಟ್ಟಿಸಿ ಹೃದಯದಿ ಮಾಯ್ಗಳ

ಜಯ ಘೋಷದಿ ನಿರ್ಭಯದಿ ಬರುವ 11

ಕಾಣೆನು ಸತ್ಯe್ಞÁನ ತೀರ್ಥರ ಸ-

ಮಾನ ಗುರುಗಳೆಂದಾನಮಿಸುವ 12

ಪಾವನತರ ಗೋದಾವರಿ ಸ್ನಾನದಿ

ಶ್ರೀವರನಂಘ್ರಿಯ ಶೇವಿಸುವರ 13

ವಿದ್ವಜ್ಜನನುತ ಮಧ್ವಮುನಿಯ ಮತ

ವೃದ್ಧಿಕಾರಿಣಿ ಪ್ರಸಿದ್ಧ ಸಭೆಯ 14

ಧರೆಯೊಳು ಸಿರಿ ಕಾರ್ಪರ ನರಸಿಂಹನೆ

ಪರನೆಂದರುಹುತ ಮೆರೆವ ಸಭೆಯ 15

****