ಹಟ್ಟಿ ಹನುಮನ ಪಾದ ಭಜಿಸೊ ಕಷ್ಟ ತ್ಯಜಿಸೊ ankita karpara narahari

ಹಟ್ಟಿ ಹನುಮನ ಪಾದ ಭಜಿಸೊ ಕಷ್ಟ ತ್ಯಜಿಸೊ ಪ

ಬುದ್ಧ್ಯಾದ್ಯಷ್ಟ ಸಿದ್ಧಿಗಳನ್ನು ಥಟ್ಟನೆ ಘಳಿಸೋ ಅ.ಪ

ಎಷ್ಟು ಬಲವಂತನೊ ಈತ ಗಿರಿಯ

ಮೆಟ್ಟಿ ಹಾರಿದ ಸಮುದ್ರವ ಕಪಿನಾಥ

ಕೊಟ್ಟು ಮುದ್ರಿಕೆಯನು ಸೀತಾದೇವಿ

ಗಷ್ಟು ರಾಮಗೆ ಪೇಳಿದನು ಕ್ಷೇಮವಾರ್ತಾ 1

ಕುಂತಿಯ ಜಠರ ಸಂಭೂತ ಕೌರ

ವಾಂತಕನೆನಿಸಿದ ಬಹು ಬಲವಂತ

ಶಾಂತ ಕಿರಣಕುಲಜಾತ ಮಾತು

ಲಾಂತಕನೊಲಿಸಿದ ದ್ರೌಪದಿ ಕಾಂತಾ 2

ಮೇದಿನಿಯೊಳು ಮಧ್ವರಾಯಾರೆನಿಸಿ

ಭೇದಮತವ ಸ್ಥಾಪಿಸಿದ ಯತಿವರ್ಯ

ವೇದವಿನುತ ಶುಭಚರಿಯಮನವೆ

ಶ್ರೀದ ಕಾರ್ಪರ ನರಹರಿಗತಿಪ್ರಿಯ3

****