ರಾಗ : ಕಲ್ಯಾಣಿ ತಾಳ : ಆದಿ
ರಾಘವೇಂದ್ರ ಸಲಹೋ -
ಗುಣಸಾಂದ್ರಾ ।। ಪಲ್ಲವಿ ।।
ಭಗವದ್ಗೀತಾ ವಿವರಣ ತಂತ್ರದೀಪ ।
ನಿಗಮತತಿಗೆ ಖಂಡಾರ್ಥವ ರಚಿಸಿ ।
ಋಗಾರ್ಥಗಳನು ಅತಿ -
ಸ್ಫುಟವಾಗಿ ವಿವರಿಸಿ ।
ಖಗವಾಹನನ ತೋಷ -
ಪಡಿಸಿದ ಧೀರ ।। ಚರಣ ।।
ಧರಣಿ ದಿವಿಜರರಿಗೆ -
ವರಗಳ ಕೊಡುವಂಥ ।
ಸುರತರುವೆ ನಿನಗೆ -
ಕರಗಳ ಮುಗಿದು ।
ಪರಮ ಪುರುಷ ಹರಿ -
ಚರಣ ಕಮಲದಲಿ ।
ಸ್ಥಿರವಾದ ಭಕುತಿಯ -
ಬೇಡುವೆ ಧೀರ ।। ಚರಣ ।।
ಚಂಡ ಕುಮತಗಳ -
ಖಂಡಿಸಿ ಬುಧ ಜನ ।
ಮಂಡಲದೊಳಗೆ ಪ್ರ-
ಚಂಡನೆಂದೆನಿಸಿ ।
ಕುಂಡಲಿಶಯನನ ಪಾದ -
ಮಂಡಿತ ಹೃದಯ । ಭೂ ।
ಮಂಡಲದೊಳಗೆ ಆ-
ಖಂಡಲನಾದ ।। ಚರಣ ।।
ಶ್ರದ್ಧೆಯಿಂದಲಿ ವರ ಮಧ್ವಾಚಾರ್ಯರ ಮತ ।
ಪದ್ಧತಿ ಬಿಡದಂತೆ ಮಾಡಿ ಬುದ್ಧಿಯನಿತ್ತು ।
ಉದ್ಧರಿಸಯ್ಯಾ ಕೃಪಾಬ್ಧಿಯೇ ಬುಧ । ಜನಾ ।
ರಾಧ್ಯ ಚರಣ ಪರಿಶುದ್ಧ ಚರಿತ್ರ ।। ಚರಣ ।।
ಕಾಮ ಜನಕನಾದ ।
ನಾಮಗಿರೀಶ್ವರ ।
ಸ್ವಾಮಿ ನೃಹರಿ ಪಾದ -
ತಾಮರಸಂಗಳ ।
ಪ್ರೇಮದಿ ಪೂಜಿಪೆನೆಂಬೋ -
ಕಾಮಿತವರ ನೀಡೋ ।
ಶ್ರೀಮತ್ಸುಧೀಂದ್ರ ಕರ -
ತಾಮರಸಭವನೇ ।। ಚರಣ ।।
****
No comments:
Post a Comment