ಹರಿಸ್ಮರಣೆಯೆಂಬೊ ಹಿರಿಪುತ್ರನಿರಲಿಕ್ಕೆ ಈ ankita shree krishna

ರಾಗ :  ಕಾಂಬೋದಿ ತಾಳ : ಝಂಪೆ

ಹರಿಸ್ಮರಣೆಯೆಂಬೊ ಹಿರಿಪುತ್ರನಿರಲಿಕ್ಕೆ ಈ 
ನರಪುತ್ರರಿಂದ ಗತಿಯಾಹುದೇನಯ್ಯ                                ।।ಪ।।

ಹೊಟ್ಟೆಯಲಿ ಹುಟ್ಟಿದವ ಪುತ್ರನೆಂದೆನಿಸುವನು 
ಹೊಟ್ಟೆ ಕಾದರೆ ಹೊಳೆಯ ಮನೆ ಹೊಗಿಸುವನು 
ಎಷ್ಟೊಂದು ಪೇಳಲಿ ಕಷ್ಟನಿಷ್ಠುರಗಳು
ಬತ್ತ ಬಯಲು ಸಂಸಾರ ಸಹ್ಯವಲ್ಲ ಮನುಜಾ                        ।।೧।।

ಜರೆ ಬಂದು ಕವಿದಾಗ ಜರೆವರು ಸತಿ ಸುತರು 
ಹೊರಗೊಳಗೆ ತಾವು ಅಸಹ್ಯಿಸಿಕೊಂಬರು 
ಘೋರ ಯಮನವರು ಬಂದು ಗುದಿಕಟ್ಟಿ ಒಯ್ವಾಗ 
ನರಹರಿಯ ನಾಮ ದೊರಕೊಂಬುದೇನಯ್ಯ                         ।।೨।।

ಸಂತತ ನಿಮ್ಮ ನಾಮ ಒಂದು ದಿನ ನೆನೆಯದೆ 
ಚಿಂತಿಸಿ ಬರಿದೆ ಬಳಲಿದೆನೊ ಸ್ವಾಮಿ 
ಕಂತು ಪಿತ ನಿಮ್ಮ ನಾಮ ಕೈವಲ್ಯ ಸಾಧನವು
ಎಂತು ಪೇಳಲಿ ಅನಂತಮೂರುತಿ ಕೃಷ್ಣ                               ।।೩।।
***

Hari smaraneyembo hiriputraniralikke I

Naraputrarinda gatiyahudenayya ||pa||

Hotteyali huttidava putranendenisuvanu

Hotte kadare holeya mane hogisuvanu

Eshtomdu pelali kashtanishthuragalu

Batta bayalu samsara sahyavalla manuja ||1||

Jare bandu kavidaga jarevaru sati sutaru

Horagolage tavu asahyisikombaru

Gora yamanavaru bandu gudikatti oyvaga

Narahariya nama dorakombudenayya ||2||

Santata nimma nama omdu dina neneyade

Chintisi baride balalideno svami

Kantu pita nimma nama kaivalya sadhanavu

Entu pelali anantamuruti krushna ||3||

***