ಶರಣಜನ ಕಲ್ಪತರು ಯತಿರಾಜ ಲೋಕಗುರು ankita raghunayaka

 ankita ರಘುನಾಯಕ/ರಘುರಾಮ (ಅನೇಕ)

ರಾಗ: ಶಂಕರಾಭರಣ ತಾಳ: ಝಂಪೆ

ಶರಣಜನ ಕಲ್ಪತರು ಯತಿರಾಜ ಲೋಕಗುರು ಪ

ವರದ ಕಾಮಿತ ಫಲದ ರಾಘವೇಂದ್ರ ಅ. ಪ

ಕನಸಿನಲಿ ಕರುಣದಲಿ ದರುಶನವ ನೀಡುವನು

ಮುನಿಮಾನಿತನು ತಾನೆ ಮುದದೊಳೊಲಿವ

ವಿನಯದಲಿ ನಮಿಸಿದರ ಕಾಮಿತಾರ್ಥಗಳೀವ

ಜನುಮಜನುಮಾಂತರದ ದೋಷ ತೊಳೆವ 1

ರಾಕ್ಷಸನ ಮಗನಾಗಿ ನರಸಿಂಹನನ್ನೊಲಿಸಿ

ರಕ್ಷಿಸಿದ ಕುಹ ರೋಗದಿಂದ ನೃಪನ

ಪಕ್ಷಿವಾಹನ ವೇಣುಗೋಪಾಲ ಕೃಪೆವಡೆದು 

ರಕ್ಷನಾದನು ಸರ್ವ ಭಕ್ತಕುಲಕೆ 2

ವಾರಿನಿಧಿ ಗಂಭೀರ ಶರಣಜನ ಮಂದಾರ

ಸೂರಿಜನ ಸುಮ್ಮಾನ ರಾಘವೇಂದ್ರ

ಶ್ರೀರಮಣ ರಘುವೀರ ಪದ ಸರೋರುಹ ಭೃಂಗ

ಕಾರುಣ್ಯ ಗುಣಪೂರ್ಣ ಗುರುವರೇಣ್ಯ 3

****