ಆರುತಿ ಬೆಳಗಿರೆ ಶಾರದೆಗೆ ಗುಣವಾರಿಧಿ ಕರುಣಾ ನೀರಧಿಗೆ ankita lakshmikanta

..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ಆರತಿ ಬೆಳಗಿರೆ ಶಾರದೆಗೆ | ಗುಣ

ವಾರಿಧಿ ಕರುಣಾ ನೀರಧಿಗೆ ಪ

ವಾಣಿಗೆ ಬ್ರಹ್ಮನ ರಾಣಿಗೆ ನತ ಗೀ-

ರ್ವಾಣಿಗೆ ಪುಸ್ತಕ ವೀಣಾ ಪಾಣಿಗೆ

ಜಾಣೆಗೆ ತ್ರಿಭುವನ ತ್ರಾಣೆಗೆ ಜಪಸರ ಧಾ-

ರಿಣಿಗೆ ಶುಭ ರೂಪಿಣಿಗೆ 1

ಶಾರದ ಚಂದ್ರನ ಕಿರಣನ ಪೋಲುವ

ಚಾರು ಶುಕ್ಲಾಂಬರದಿಂದಲಿ ಪೊಳೆವ

ಹಾರ ಮಕುಟ ಪದ ನೂಪುರ ಕಂಕಣ

ಧಾರಿಣಿಗೆ ಅಘ ಹಾರಿಣಿಗೆ 2

ಸಕಲಾಗಮಗಳನಾಂತಿಹ ಗಣಿಗೆ

ನಿಖಿಲ ಕಲೆಗಳನು ಕಾದಿಹ ಫಣಿಗೆ

ಭಕುತರ ಪಾಲಿನ ಚಿಂತಾಮಣಿಗೆ

ಶ್ರೀಕಾಂತನಾತ್ಮಜನರಗಿಣಿಗೆ 3

***