ರಾಗ : ಹಂಸಾನಂದೀ ತಾಳ : ಆದಿ
ಶರಣು ಮುನಿಮಣಿಯೇ
ಸುಮತೀಂದ್ರಾ ।
ಕರುಣಾಮೃತದ ಖಣಿಯೇ ।
ಶರಣೆಂದವರಿಗೆ ವರ
ಚಿಂತಾಮಣಿಯೇ ।
ಧರಿಯ ಮೇಲಿನೊಬ್ಬ
ಧೊರೆ ನಿನಗೆಣೆಯೇ ।। ಪಲ್ಲವಿ ।।
ಸಂತತ ಸೇವಕ
ಸಂತರಿಗೊಲಿದೀಗ ।
ಸಂತತಿ ಸಂಪದ-
ವಿತ್ತೆ ಬೇಗ ।
ಶಾಂತ ಶುಭಗುಣ ವ-
ಸಂತನೆಂಬೋ ಕೀರ್ತಿ । ವಿ ।
ಶ್ರಾಂತಿಯಮಿತ ದಿ-
ಗಂತಕೆ ವಾರ್ತೆ ।। ಚರಣ ।।
ತಾಳ ತಮ್ಮಟೆ ಕಂಬು
ಕಾಳೆ ಬಿರುದು ಬುಧ ।
ಮೇಳದಿಂ ಶಿಷ್ಯ ಜನಾಲಯಕೆ
ಸಾಲುದೀವಿಗೆ ।
ಯೊಳು ಮಾಲಿಕೆ
ಗ್ರಹಿಸಿ ಅಂದೋಳಿ ।
ಗ್ರಹಿಸಿ ಬಂದು ಪಾಲಿಪೆ
ಅವರ ।। ಚರಣ ।।
ಪ್ರಸನ್ನವೆಂಕಟಾಚಲ ವಾಸ
ಮೂಲರಾಮನ ಪಾದ ।
ನಿಶಿ ದಿನಾರ್ಚಿಸುವೆ
ಸಂತೋಷ ಸಾಂದ್ರ ।
ಋಷಿ ಯೋಗೀ೦ದ್ರರ ಕರ
ಬಿಸಜಜ ಸೂರೀ೦ದ್ರ ।
ಸುಶರಧಿ ಸಂಭವ ಶಶಿ
ಸುಮತೀಂದ್ರ ।। ಚರಣ ।।
**
No comments:
Post a Comment