ಶ್ರೀಶಾ ಸರ್ವಮಹೀಶಾ ಸುರವರ ವಾಸುದೇವ ತವ ದಾಸೋಹಂ ankita hanumesha vittala

 ಶ್ರೀಶಾ ಸರ್ವಮಹೀಶಾ ಸುರವರ ವಾಸುದೇವ ತವ ದಾಸೋಹಂ

ಕೇಶವ ಎನ್ನಾ ದೋಷಗಳೆಣಿಸದೆ ಪೋಷಿಸು ಹರಿ ತವ ದಾಸೋಹಂ ಪ

ಮುಕುತಿಗೆ ಮೂಲ ದೈವನೆಂದು ಕರಿ ಸಕಲ ಲೋಕಕರುಹಿದ ವಾರ್ತೆ

ಯುಕುತಿಗಳಿಂದಾ ಸ್ತುತಿಸಿ ದ್ರೌಪದಿ ಪ್ರಕಟಿಸಿದಳು ಹರಿ ತವ ಕೀರ್ತಿ 1

ಸಕಲರಲ್ಲಿ ವ್ಯಾಪಕನೆಂಬುದು ಬಾಲಕ ಪ್ರಲ್ಹಾದ ಪ್ರಕಟಿಸಿದಾ

ಭಕುತನಾದ ಮಧ್ವಮುನಿ ಹರಿ ಸರ್ವೋತ್ತಮ ಹೌದುಹೌದೆನಿಸಿದಾ 2

ಭಕುತರಿಗಾಗಿ ಜಗವ ಸೃಷ್ಟಿಸಿದಿ ಭಕುತರಿಗಾಗವತರಿಸಿದಿ

ಭಕುತರು ನಿನ್ನಾ ಭಜಿಸದಿದ್ದರೆ ಸಕಲರರಿವರೆಂತೊ ಜಗದಿ 3

ಅವರಂದದಿ ನಾನಲ್ಲವೋ ಶ್ರೀಹರಿ ಅವರ ದಾಸರ ದಾಸನೋ ನಾ

ಅವರಿಗೆ ಒಲಿದ ದಯದಿಂದಲೀ ತವ

ಪಾದದಿ ಕೊಡು ಭಕುತಿಯನಾ 4

ಮೆಟ್ಟುವ ಹಾವಿಗೆ ಮಾಡಿ ಎನ್ನನು ಇಟ್ಟುಕೋ ತವ ಪದಗಳಲಿ

ಥಟ್ಟನೆ ಮನದಿಷ್ಟ ಪೂದ್ವೆಸೊ ಹನುಮೇಶ ವಿಠಲ ತ್ವರ ಕರುಣದಲಿ 5

****