ದೂರ ನೋಡಲಾಗದೋ ಶ್ರೀರಾಮಚಂದ್ರ ankita gurushamasundara

 

ರಾಗ - : ತಾಳ -

ದೂರ ನೋಡಲಾಗದೋ ಶ್ರೀರಾಮಚಂದ್ರ ll ಪ ll

ಕಾರುಣ್ಯನಿಧಿ ನೀನು ಸುಗುಣ ಪೂರ್ಣನು ನೀನು l

ಶರಣ ರಕ್ಷಕ ನೀನು ಸರ್ವಾಧಾರ ll

ಪರಕೀಯ ನಲ್ಲವೋ ನಿನ್ನವರವ ನಾನು l

ಕರಪಿಡಿದು ಎನ್ನ ಪೊರೆಯಬೇಕಲ್ಲದೆ ll 1 ll

ವೇದಗಮ್ಯನು ನೀನು ವೇದಗೋಚರ ನೀನು l

ಸಾಧು ಸಜ್ಜನರನ್ನು ಉದ್ಧರಿಪನು ನೀನು l

ಮಾಧವನೆ ನಿನ್ನ ಶರಣು ಬಂದೆನು ನಾನು l

ಖೇದ ಮಾಡದೆ ಎನ್ನ ಸಾಧುಕುಲ ತಿಲಕನೆ ll 2 ll

ಜಗವ ರಕ್ಷಿಪ ನೀನು ಜಗವ ಪಾಲಿಪ ನೀನು l

ಜಗದಾಧಾರಕನು ಎಂದು ಪೊಗಳುತಿರೆ ll

ಜಗದ ಗುರುಶಾಮಸುಂದರ ದೇವನೆ l

ಮೊಗವ ತಿರುಗದಲೆ ಕಣ್ಣೆತ್ತಿ ನೋಡದೇ ll 3 ll

***