ಶ್ರೀವಿರುಪಾಕ್ಷ ಸಂರಕ್ಷಿಸೆಮ್ಮ ankita gurujagannatha vittala SRI VIROOPAKSHA SAMRAKSHISEMMA

 

Audio by Vidwan Sumukh Moudgalya

ಶ್ರೀ ಗುರುಜಗನ್ನಾಥದಾಸರ ರಚನೆ 

 ರಾಗ : ಕಾಂಬೋಧಿ      ತಾಳ : ಖಂಡಛಾಪು 

ಶ್ರೀ ವಿರುಪಾಕ್ಷ ಸಂರಕ್ಷಿಸೆಮ್ಮ

ಕೋವಿದಜನ ಪ್ರಿಯ ಭಾವಜ್ಞರೊಳಗಿಟ್ಟು ॥ಪ॥

ಮಾತಂಗ ಷಣ್ಮುಖರತಾತ ಸಂತತ ಎನ್ನ -

ಮಾತನಾಲಿಸು ಗಿರೀಶ ವೀತಶೋಕ

ಮಾತರೀಶ್ವನ ಸುತನೆ ಪ್ರೀತಿಯಲಿ ಸಲಹು ಪುರ-

ಹೂತ ಮುಖ ವಂದಿತ ಸುರೇತರಾಂತಕ ಶಂಭೋ ॥೧॥

ಸೋಮ ಶಿವ ಶರ್ವಭವ ವ್ಯೋಮಕೇಶನೆ ಮನದ

ಆಮಯವ ಪರಿಹರಿಸೊ ವಾಮದೇವಾ

ಕಾಮಹರ ಮನ್ಮನದ ಕಾಮಿತಾರ್ಥಗಳಿತ್ತು

ಈ ಮಹಿಯೊಳಗೆ ಬಿಡದೆ ಪ್ರೇಮದಿಂದಲಿ ಪೊರಿಯೊ ॥೨॥

ಅನಾಥಬಂಧುವೆ ಪ್ರಪನ್ನ ಪರಿಪಾಲಕನೆ 

ಮನ್ನಿಸಿ ಸಲಹೋ ವೇಗ ಮಾನ್ಯನೆನಿಸಿ

ಸನ್ನುತ ಮಹಿಮ ಗುರುಜಗನ್ನಾಥವಿಟ್ಠಲಗೆ 

ಉನ್ನತ ಪ್ರಿಯನೆಂದು ಬಿನ್ನೈಸುವೆನೊ ನಿನಗೆ ॥೩॥

******