ಬಾದರಾಯಣ ಪಾದಕೆರಗಿದೆನೊ ankita prasanna BAADARAAYANA PAADAKERAGIDENO

 

Audio by Vidwan Sumukh Moudgalya

ಶ್ರೀ ವಿದ್ಯಾಪ್ರಸನ್ನತೀರ್ಥರ ರಚನೆ 

 ರಾಗ  : ಸಾರಮತಿ    ಆದಿತಾಳ 

ಬಾದರಾಯಣ ಪಾದಕೆರಗಿದೆನೊ ॥ಪ॥

ನೀ ದಯದಿ ಕಾಮಕ್ರೋಧಗಳನೇ ಬಿಡಿಸಿ

ಸಾಧು ಕರ್ಮದಲ್ಲಿ ಆದರವೀಯೋ ॥ಅ.ಪ॥

ಜ್ಞಾನಿ ಗೌತಮ ಮೌನಿ ಶಾಪದಿಂದ

ಜ್ಞಾನಿಗಳಿಗೆ ಅಜ್ಞಾನತೆ ಬರಲು

ದೈನ್ಯದಲಿ ಚತುರಾನನಾದಿಗಳು

ನೀನೆ ಗತಿಯೆನಲು ಮಾನಿಸಿದ ಸುಖಾತ್ಮ ॥೧॥

ತಾಪಸೋತ್ತಮ ಆ ಪರಾಶರರು

ದ್ವೀಪದಲ್ಲಿರಲು ನೀ ಪವಳಿಸಿದೆ 

ಶಾಪದಿಂದ ಕ್ರಿಮಿ ರೂಪಪೊಂದಿದವಗೆ 

ಭೂಪತನವನಿತ್ತ ದ್ವೈಪಾಯನಾಖ್ಯ ॥೨॥

ಶೃತಿಗಳರ್ಥ ಮಂದ ಮತಿಗಳರಿಯದಿರೆ 

ಹಿತದಿ ಬ್ರಹ್ಮಸೂತ್ರ ತತಿಗಳನ್ನೆ ರಚಿಸಿ

ಅತುಲವಾದ ಭಾಗವತ ವರಮಹಾ-

ಭಾರತಗಳನ್ನು ರಚಿಸಿ ಅತಿ ಪ್ರಸನ್ನ ರಾದ ॥೩॥

*******