ಇಂದಿರಾನಂದುದಧಿವರ್ಧನೆಂದು ankita jayesha vittala

ಶ್ರೀ ಜಯೇಶವಿಠಲರ ಕೃತಿ 

ರಾಗ ಅಭೋಗಿ            ಆದಿತಾಳ 

ಇಂದಿರಾನಂದುದಧಿವರ್ಧನೆಂದು || ಪ ||

ಕಂದರ್ಪಕೋಟಿ ಲಾವಣ್ಯನಿಧಿ ಮನಪೊಂದು || ಅ.ಪ ||

ನಾನು ನನ್ನದು ಎಂಬ ಜ್ಞಾನ ಸಂತತಿಯಿಂದ

ನಾನಾ ಯಾತನೆ ಭಾವ ಬಲೆಯ ಕಟ್ಟಿ

ಹೀನಗೋಜಿಗೆ ಸಿಕ್ಕಿ ಬಲುನೊಂದೆ ಗೋವಿಂದ

ನೀನು ನಿನ್ನದು ಎಂಬೋ ಅಮೃತಜ್ಞಾನದಿ ನಿಲಿಸು || 1 ||

ದರ್ವಿಯಂದದಿ ನಾನು , ನೀ ಸರ್ವ ಸ್ವಾತಂತ್ರ

ನಿರ್ವಾಹ ನಿನ್ನಿಂದ ಸರ್ವ ಜಗಕೆ

ದೂರ್ವಿ ಏರಿಸೆ ಸಕಲ ದುರಿತವಳಿಸಿ ಮುಕ್ತಿಸುಖ -

ಗರೆವಂಥ ಗುಣನಿಧಿಯೆ ಸರ್ವಾತ್ಮ ಹೊರೆ ಹೊರೆಯೊ || 2 ||

ನಿನ್ನ ದರುಶನ ಬಿಟ್ಟು ಅನ್ಯತ್ರ ನಿರ್ಭೀತಿ

ಎನ್ನಲ್ಲಿ ಎಂದೆಂದು ವೇದವೇದ್ಯ

ನಿನ್ನ ದರುಶನ ಫಲಕೆ ನಿನ್ನವರ ಮಹಕರುಣ

ಇನ್ನು ಕಾರಣದೇವ ಧನ್ಯರಲಿ ಇಡು ಎನ್ನ || 3 ||

ಮನೋವಿಕಾರಗಳೆಂಬ ದುಃಖಾರ್ಣವದಲಿ ಬಿದ್ದು

ಅನುಮಾನಮುನಿದೈವ ನಿನ್ನ ಅಮೃತ

ತನುಧ್ಯಾನ ಮನಕ್ಹಿಡಿಯದೇನುಗತಿ ಯದುವರ್ಯ

ತೃಣಕೆ ಕೈವಲ್ಯವೀವ ತ್ರ್ಯಕ್ಷೇಶಮನ ಪೊಂದು || 4 ||

ಜ್ಞಾನ ಮನ ಬಿಡದಿರು ದೀನ ಬಾಂಧವ ಕೃಷ್ಣ

ಈ ನಿನ್ನ ಮಾಯವನು ತೆಗೆಯೋ ಹರಿಯೇ ॥

ಜ್ಞಾನನಿಧಿ ಜಯೇಶವಿಠಲನೆ ವಿಧಿವಂದ್ಯ

ಪ್ರಾಣಧಾರಕ ಶುಕನ ಆನಂದನಿಧಿ ಪಾಹಿ || 5 ||

*****

ಇಂದಿರಾನಂದ ಉದಧಿವರ್ಧನನೆಂದು ಪ

ಕಂದರ್ಪಕೋಟಿ ಲಾವಣ್ಯನಿಧಿ ಮನಪೊಂದು ಅ.ಪ

ನಾನು ನನ್ನದು ಎಂಬ ಜ್ಞಾನ ಸಂತತಿಯಿಂದ

ನಾನಾ ಯಾತನೆ ಭಾವ ಬಲೆಯ ಕಟ್ಟಿ

ಹೀನಗೋಜಿಲಿ ಸಿಕ್ಕಿ ಬಲುನೊಂದೆ ಗೋವಿಂದ

ನೀನು ನಿನ್ನದು ಎಂಬ ಅಮೃತಗಾನದಿ ನಿಲಿಸು 1

ದರ್ವಿಯಂದದಿ ನಾನು ನೀ ಸರ್ವ ಸ್ವಾತಂತ್ರ

ನಿರ್ವಾಹ ನಿನ್ನಿಂದ ಸರ್ವ ಜಗಕೆ

ದೂರ್ವ ಏರಿಸೆ ಸಕಲ ದುರಿತವಳಿಸಿ ಮುಕ್ತಿಸುಖ

ತೋರ್ವಂಥ ಗುಣನಿಧಿ ಸರ್ವಾತ್ಮ ಹೊರೆ ಹೊರೆಯೊ 2

ನಿನ್ನ ದರುಶನ ಬಿಟ್ಟು ಅನ್ಯತ್ರ ನಿರ್ಭೀತಿ

ಎನ್ನಲಿ ಎಂದೆಂದು ವೇದವೇದ್ಯ

ನಿನ್ನ ದರುಶನ ಫಲಕೆ ನಿನ್ನ ಮಹಕರುಣ

ಇನ್ನು ಕಾರಣದೇವ ಧನ್ಯರಲಿ ಇಡು ಎನ್ನ 3

ಮನೋವಿಕಾರಗಳೆಂಬ ದುಃಖಾರ್ಣದಿ ಬಿದ್ದು

ಅನುಮಾನ ಮಾಡಿದೆನೊ ನಿನ್ನ ಅಮೃತ

ತನುಧ್ಯಾನ ಮನಕಿಡಿಯದೇನುಗತಿ ಯದುವರ್ಯ

ತೃಣಕೆ ಕೈವಲ್ಲೀವ ತ್ರ್ಯಧೀಶಮನಪೊಂದು 4

ಜ್ಞಾನಮನ ಬಿಡದಿರು ದೀನ ಬಾಂಧವ ಕೃಷ್ಣ

ಇನ್ನು ಮಾಯವನು ತೆಗೆದೆನ್ನ ಬೆರೆಯೊ

ಜ್ಞಾನನಿಧಿ ಜಯೇಶವಿಠಲನೆ ವಿಧಿವಂದ್ಯ

ಪ್ರಾಣಾಧಾರಕ ಶುಕನ ಆನಂದನಿಧಿ ಪಾಹಿ 5

*****