ರಾಮರಾಮ ರಾಮರಾಮ ಸೀತಾರಾಮನೆನ್ನಿರೊ ankita krishna vittala

 ರಾಗ -  :  ತಾಳ - 

ರಾಮರಾಮ ರಾಮರಾಮ ಸೀತಾರಾಮನೆನ್ನಿರೊ l

ಕಾಮಕ್ರೋಧ ಲೋಭಮೋಹ ಮದಮತ್ಸರ ತ್ಯಜಿಸಿರೊ ll ಪ ll

ಶಶಿಧರನು ಸ್ಮರಿಸಿ ಜಗದಿ ವಿಷವನುಂಡು ದಕ್ಕಿಸಿಕೊಂಡ l

ವಸುಧಿಮ್ಯಾಲ ಕಂಡು ಕೇಳಿ ಪಶುಗಳಾಗಬ್ಯಾಡಿರೊ ll 1 ll

ಶಿಲಿಯ ತುಳಿದು ಲಲನಿ ಮಾಡಿದ ಬಲದಿ ಶಿವನ ಬಿಲ್ಲು ಮುರಿದ l

ಕುಲವು ನೋಡದೆ ವಲಿದ ವಾಲ್ಮೀಕ ವರದನೆನ್ನಿರೊ ll 2 ll

ಆಶಪಾಶದೊಳಗ ಬಿದ್ದು ಮೋಸವಾಗಿ ಕೆಡಲಿಬ್ಯಾಡಿ l

ವಾಸುದೇವನನ್ನ ನೆನೆದು ಭವಸಮುದ್ರ ದಾಟಿರೊ ll 3 ll

ಬರುವದೆಂದ ಭರವಸುಂಟೆ ನರಜನ್ಮ ದುರ್ಲಭಕೇಳಿ ಬುಧರ l

ಅರಿದ ಪರಿಯಲಿರುಳು ಹಗಲು ಹರಿಯ ಭಜಿಸಿರೊ ll 4 ll

ಹಲವು ಕರ್ಮಮಾಡಿ ದೇಹ ವ್ಯರ್ಥ ದಂಡಿಸಿ ಬಳಲಬ್ಯಾಡಿ l

ಸುಲಭದಿಂದ ಮುಕ್ತಿ ಕೊಡುವ ಕೃಷ್ಣವಿಟ್ಠಲ ರಾಮನೆನ್ನಿರೊ ll 5 ll

***