ನೋಡಯ್ಯಾ ಹರಿಯೆ ಪಂಡರಪುರ ನಿಲಯನೆ ankita rangesha vittala

 ರಾಗ - : ತಾಳ - 

ನೋಡಯ್ಯಾ ಹರಿಯೆ ll ಪ ll

ಪಂಡರಪುರ ನಿಲಯನೆ ಕುಂಡಲಿಶಯನನೆ ll ಅ ಪ ll

ಪುಂಡರೀಕಗೊಲಿದವನೆ l ಅಂದು

ಶುಂಡಾಲವ ಪೊರೆದವನೆ 

ಅಂಡಜ ವರ ವಾಹನನೆ l ಎನ್ನ

ಮಂಡೆಯ ಮೇಲ್ಕರವಿಡುತಲಿ ll 1 ll

ವಿಜಯಗೆ ಸಾರಥಿಯಾದಿ l ಅವನ

ಭುಜಗ ಶರದಿಂದ ಪೊರೆದಿ 

ನಿಜ ಭಕುತಗೆ ನೀ ಒಲಿದ l ದೇವ

ಕುಜನಮರ್ದನ ಹರಿ ಮುದದಿ ll 2 ll

ಪಟುತರ ದೇಹ ಪ್ರಕಾಶ l ದಿಂದ

ವಟುವಂತೆ ಮೆರೆವ ಶ್ರೀಶ

ಕುಟಿಲ ರಹಿತ ರಂಗೇಶ l ವಿಟ್ಠಲ 

ಹಟಮಾಡದೆ ಕಣ್ತೆರದು ll 3 ll

***