ಸುಂದರಾಂಗನೆ ನಿನ್ನ ಇಂದು ಶ್ರೀರೂಪವ ಛಂದಾದಿಂದಲಿ ankita kalimardhanakrishna

ಸುಂದರಾಂಗನೆ ನಿನ್ನ ಇಂದು ಶ್ರೀರೂಪವ ಛಂದಾದಿಂದಲಿ

ನೋಡುವೆನು ಆನಂದ ಪಡುವೆನು ಪ.

ಭರದಿಜರಿ ಪೀತಾಂಬರವನುಟ್ಟಳು ಇವಳು

ಬಿಳಿಯ ಕುಪ್ಪುಸವಾ ತೊಟ್ಟಳು

ಲಲಾಟದಿ ಕುಂಕುಮ ತಿಲಕವನಿಟ್ಟಳು ವಾರೆ

ನೋಟವ ನೋಡುವಳು 1

ಪಾದಾಕೊಪ್ಪುವ ಋಳಿ ಪೈಜಣಿ ಕಾಲುಂಗರದಂದಾ

ನೋಳ್ಪ ಜನಕ್ಕೇ ವಿನೋದಾ ದೈವ ದೈತ್ಯ

ಸಾಲಿನೊಳಗೆ ಅಘಾದ ಪರಿಪೂರ್ಣ 2

ಗಳದಿ ಕಠಾಣೆಯಕಟ್ಟಿ ಅದರ ಮೇಲ್ ಗೆಜ್ಜೆಯ ಟೀಕಿ

ಪುಥಲಿಸರ ಚಂದ್ರಹಾರಗಳು ವೈಯಾರದಿ ಬರುವೋಳೂ 3

ಮುದ್ದು ಮುಖಕ್ಕೆ ತಕ್ಕ ಮುಖುರೆ ಬುಲಾಕು ದ್ರಾಕ್ಷಝೂಲರ

ಬುಗುಡಿಯ ಬೆಳಕು ಆನಂದ ಸುರಿಯೋಳು ಇವಳು ಮನಕ 4

ಚವರಿ ಚಂದ್ರಾ ಜಡಿ ಭಂಗಾರದ ರಾಗುಟಿ ಬೈತಲ ಮುತ್ತನಿಟ್ಟ

ಹೇಳ ಭಂಗಾರ ಗೊಂಡೆವ ಕಟ್ಟಿ ಇವಳ್ಯಾರು ಧಿಟ್ಟಿ 5

ಮಂದರ ಮಲ್ಲಗಿ ಸುಗಂಧಿಯು ತ್ಯಾದಿಗಿ ನೂತನದ ಪಾರಿಜಾತವನ್ನು

ಇಂದು ತಾಂಬೂಲ ಮೆಲುವುತ ಮುಗುಳು ನೆಗಿಯು ನಗುತ 6

ತರುಣಿಯೆನ್ನದಿರು ಹರಿಯಾ ರೂಪಾವ ವ್ಹಾ ನೋಡು

ಈ ಶ್ರೀ ರೂಪದಿಂದ ಹರನು ಮೋಹಿಸಿದನು

ಛಂದಾಮನ ಕಾನಂದಾ 7

ಮಂಗಳಾಂಗನೆ ಎನ್ನುತ ರಂಗಾನಲ್ಲಿರು

ನೀನು ಶ್ರೀರಂಗನಾಯಕನೆ

ಕಾಳಿಂಗಶಯನನೆ ನರಶಿಂಗನೋ 8

ಯೇಷ್ಟುನೋಡಿದರು ಈ ಧಿಟ್ಟ ಮೂರುತಿಯ ದೃಷ್ಟಿ ತಾಕುವ

ದಯ್ಯ ಕಾಳಿಯ ಮರ್ಧನ ಕೃಷ್ಣರಾಯಾ 9

****