ದಾಸರ ನರಸಿಂಹ ಶ್ರೀಹರಿ ದಾಸರ ನರಸಿಂಹ ankita gopalakrishna vittala

ದಾಸರ ನರಸಿಂಹ | ಶ್ರೀಹರಿ

ದಾಸರ ನರಸಿಂಹ ಪ.

ಯೊಗಾ ನರಸಿಂಹ | ಕರಿಗಿರಿ

ಭೋಗಾ ನರಸಿಂಹ

ಆಗಲೆ ಸುರಿಯುವ ಮಳೆಯನು ನಿಲ್ಲಿಸಿ

ಬೇಗನೆ ಕೈಕೊಂಡ ಉತ್ಸವ ನರಸಿಂಹ 1

ಶಾಂತಾ ನರಸಿಂಹ | ಪ್ರಹ್ಲಾ-

ದಾಂತರ ನರಸಿಂಹ

ನಿಂತು ಹೆಜ್ಜೆ ಹೆಜ್ಜೆಗೆ ಆರತಿ ಕೊಂಡು

ಸಂತಸಪಡಿಸಿದ ಗುರುಗಳ ನರಸಿಂಹ 2

ಕಾಮಿತ ನರಸಿಂಹ | ಪರಮ

ಪ್ರೇಮದ ನರಸಿಂಹ

ಸ್ವಾಮಿ ತಂದೆ ಮುದ್ದು ಮೋಹನದಾಸರ

ಧಾಮದಿ ನೆಲಸಿಹ ಸ್ವಾಮಿ ಶ್ರೀ ನರಸಿಂಹ 3

ಭಕ್ತರ ನರಸಿಂಹ | ಭವಭಯ

ಒತ್ತುವ ನರಸಿಂಹ

ಭಕ್ತಿ ಭಾವದಿಂದ ಭಜನೆಯ ಮಾಳ್ಪರÀ

ಮುಕ್ತಿ ಮಾರ್ಗ ತೋರಿ ಸಲಹುವ ನರಸಿಂಹ 4

ಸುಲಭ ನರಸಿಂಹ | ನೀ ಬಹು

ದುರ್ಲಭ ನರಸಿಂಹ

ಒಲಿಯುವ ಗೋಪಾಲಕೃಷ್ಣವಿಠ್ಠಲ ಹರಿ

ನೆಲಸಿ ಹೃದಯ ಮಂದಿರದಲಿ ನರಸಿಂಹ 5

****