ಹಸೆಗೆ ಬಾರೈರಾಮಾ ಬಿಸಜಾಪ್ತ ವಂಶಲಲಾಮ ankita gururama vittala

 ಶ್ರೀ ಗುರುರಾಮವಿಠಲ ದಾಸರ ರಚನೆ 

ಹಸೆಗೆ ಬಾರೈರಾಮಾ    ಪ

ಬಿಸಜಾಪ್ತ ವಂಶಲಲಾಮ    ಅ.ಪ

ಮಾನಸ ಪೀಠಕೆ ಜಾನಕಿದೇವಿ ಸಹಿತಾ

ಆನತರಿಗೆ ಸೌಖ್ಯವ ಬೀರುತಲಿ 

1

ಬ್ರಹ್ಮಮಹೇಶ್ವರ ಸುಮ್ಮಾನದಿ ಕೈಕೊಡಲು

ಧರ್ಮಸ್ಥಾಪಿಸೆ ಧರಣಿ ಮಂಡಲದಿ 

2

ಹನುಮಂತ ಜಾಂಬವ ಇನತನಯಾಂಗದಾದಿ

ಘನಕಪಿವೀರರು ಕಾದುಕೊಂಡಿರುವರು 

3

ಕಾಮಾದಿ ವರ್ಗಂಗಳ ನಿರ್‍ನಾಮವಾಗಿ ಪೋಪಂತೆ

ನೀಮನವಲಿದನುಗ್ರಹಿಸಿ ಬೇಗದಿ

4

ಅಂತಃಕರುಣಾಸಿದ್ಧಿಯಂ ತವಕದಿ ಕೊಟ್ಟು

ಅಂತರಾತ್ಮಕ ಗುರುರಾಮ ವಿಠಲನೆ 

5

***