ಶ್ರೀ ನರಸಿಂಹದಾಸರು ( ಶ್ರೀ ಜಗನ್ನಾಥದಾಸರ ತಂದೆ )...
ರಾಗ : ಅಹರಿ ರಾಗ : ಏಕ
ನಂಬಿದನೋ ಬ್ರಹ್ಮಣ್ಯತೀರ್ಥಾರ್ಯ ।
ಸನ್ನುತ ಚರಣ ಪಾವನ ಸುಚರ್ಯಾ ।। ಪಲ್ಲವಿ ।।
ಘನ್ನ ಭವದ ಭಯವನ್ನು ಕಳೆದು । ಯತಿ ।
ರನ್ನ ಯೆನ್ನನು ಧನ್ಯನ ಮಾಡೋ ।। ಅ. ಪ ।।
ಪುರುಷೋತ್ತಮ । ಸುತೀ ।
ರ್ಥರ ಪ್ರಿಯ ಸುಕುಮಾರ ।
ದುರಿತೌಘ ಜೀಮೂತ ಚಂಡ ಸಮೀರ ।
ಸುರರುಚಿ ತುಳಸೀ ಪಂಕಜಮಣಿ ಹಾರ ।।
ಧರಿಸಿ ಮೆರೆವೋ ದಿನಕರನವತಾರ ।
ಕರುಣದಿ ತವ ಶ್ರೀಕರ ಚರಣಾಂಬುಜ ।
ದರುಶನವ ಕೊಡು ಗುಣಗಣ ನಿಧಿಯೇ ।। ಚರಣ ।।
ಸೇವಿಪ ಜನರಿಗೆ ದೇವತರುವೆನಿಪ ।
ಶ್ರೀವಿಠ್ಠಲ ತಾವರೆ ಮಧುಪಾ ।
ಕೋವಿದ ಜನರು ಸಂಭಾವಿಸಿ ಸ್ತುತಿಪ ।।
ಪಾವನ್ನ ಪಾದಾರ್ಚಿತ ಭಾವಜ ಮುನಿಪಾ ।
ಪಾವನ ಸುಮತನ ಜೀವರ ಚಂದ್ರನೆ ।
ಪಾವನ ಮತಿ ಕೊಡು ನೀ ಒಲಿದೆನಗೆ ।। ಚರಣ ।।
ಹರಿಭಕ್ತಿ ವೈರಾಗ್ಯ ಪರತತ್ತ್ವಜ್ಞಾನ ।
ವರದ ಪಾಲಿಸು ಸರ್ವವಿದ್ಯಾ ಪ್ರವೀಣ । ನ ।
ರಸಿಂಹವಿಠ್ಠಲ ಶ್ರೀ ಹರಿ ಸನ್ನಿಧಾನ ।।
ಕರುಣಾಪಾತ್ರನೇ ದಿವ್ಯವರ ಪೂರ್ಣ ಜ್ಞಾನ ।
ಹರಿಗುರು ಭಜನ ತ್ವತ್ಪದ ವ್ಯಾಸಾರ್ಯರ ।
ಗುರುವೆಂದೆನಿಸಿದೆ ಧರೆಯೊಳು ಮೆರೆದೆ ।। ಚರಣ ।।
****
No comments:
Post a Comment