ಇಂದಿನ ದಿನ ಸುದಿನವಾಯಿತು ಇಂದಿರೇಶ ಮೂಲರಾಮ purandara vittala surendra teertha stutih

 surendra teertha rayara mutt yati stutih

ಇಂದಿನ ದಿನ ಸುದಿನವಾಯಿತು ll ಪ ll

ಇಂದಿರೇಶ ಮೂಲರಾಮಚಂದ್ರನ ಪದಕಮಲಗಳ ಸು-

ರೇಂದ್ರತೀರ್ಥಮುನಿಯು ತೋರಲು ll ಅ ಪ ll

ಈತನ ಪದಕಮಲಗಳ ವಿಧಾತ ತನ್ನ ಭವನದೊಳಗೆ l

ಸೀತೆಯ ಸಹ ಪೂಜಿಸಿ ಇಕ್ಷ್ವಾಕು ನೃಪಗಿತ್ತನು ll

ಆತನನ್ವಯ ನೃಪರೆಲ್ಲರು ಪ್ರೀತಿಯಿಂದಲಿ ಭಜಿಸಿ ರಘು- l

ನಾಥ ವೇದಗರ್ಭಗಿತ್ತ ಮೂರ್ತಿಯ ಪದಕಮಲ ಕಂಡೆ ll 1 ll

ಗಜಪತಿ ಭಾಂಡಾರದಲ್ಲಿ ಅಜಕರಕಮಲಾರ್ಚಿತ ಭೂ - l

ಮಿಜೆ ಸಹಿತದಿ ರಾಮನಿರಲು ನಿಜಜ್ಞಾನದಿ ತಿಳಿದು ಬೇಗ ll

ದ್ವಿಜವರಗುರುವೆನಿಸುತಿಪ್ಪ ಸುಜನವಂದಿತ ನರಹರಿಮುನಿ l

ರಜನಿಯಲ್ಲಿ ತಂದ ಸುಲೋಹಮಯ ಪ್ರತಿಮೆಯನೆ ಕಂಡು ll 2 ll

ಅಂದವುಳ್ಳ ಮೂಲರಾಮಚಂದ್ರನ ಪದಕಮಲಗಳನು l

ವೃಂದಾರಕವೃಂದ ವಂದ್ಯನೆಂದೆನಿಸುವ ಪವನನಾ ll

ನಂದನಗುರು ಶ್ರೀಮದಾನಂದತೀರ್ಥರರ್ಚಿಸಿ ನಿಜ l

ಅಂದದನ್ವಯದೊಳಿಟ್ಟ ಪುರಂದರವಿಟ್ಠಲನ ಕಂಡು ll 3 ll

***

ರಾಗ : ಬಿಲಹರಿ ತಾಳ : ಝಂಪೆ

ಇಂದಿನ ದಿನ ಸುದಿನವಾಯಿತು ।

ಇಂದಿರೇಶ ಮೂಲರಾಮ-

ಚಂದ್ರನ ಪದ ಕಮಲಗಳು । ಸು ।

ರೇಂದ್ರತೀರ್ಥ ತೋರಿಸೆ ।। ಪಲ್ಲವಿ ।।

ಈತನ ಪದ ಕಮಲಗಳ । ವಿ ।

ಧಾತ ತನ್ನ ಸದನದೊಳಗೆ ।

ಸೀತೆಯ ಸಹ ಪೂಜಿಸೆ । ನರ ।

ನಾಥ ಇಕ್ಷ್ವಾಕುನಿಗೆಯಿತ್ತ ।।

ಆತನನುಸರಿದ ನೃಪರು ।ಪ್

ರೀತಿಯಿಂದಲರ್ಚಿಸಿ । ರಘು ।

ನಾಥ ವೇದಗರ್ಭಗಿತ್ತ ।

ನಾಥನ ಮೂರ್ತಿಯನು ಕಂಡು ।। ಚರಣ ।।

ಗಜಪತಿಯ ಭಂಡಾರದಲಿ ।

ಅಜನು ಪೂಜಿತನಾಗಿ । ಭೂ ।

ಮಿಜೆ ಸಹಿತ ಶ್ರೀರಾಮ ನಿರಲು ।

ನಿಜ ಜ್ಞಾನದಿಂದ ತಿಳಿದಾಗಾ ।।

ಸುಜನ ಗುರುವೆಂದೆನಿಸುವ ನಮ್ಮ ।

ಭಜಕ ಪಾಲಕ ನರಹರಿ ಮುನಿಪ ।

ಈ ಜಗವರಿಯ ಶ್ರೀ । ಅಂ ।

ಬುಜಲೋಚನ ಮೂರುತಿಯ ಕಂಡು ।। ಚರಣ ।।

ಅಂದವುಳ್ಳ ಮೂಲರಾಮ ।

ಚಂದ್ರನ ಪದಯುಗಳನು ।

ವೃಂದಾರ ಕೇಂದ್ರವೆನಿಸುವಾ ।

ನಂದತೀರ್ಥ ಮುನಿಗಳಾ ।।

ನಂದದಿಂದಲರ್ಚಿಸಿ ನಮ್ಮನು ।

ಹೊಂದಿದ ಶಿಷ್ಯರ ಕರದ । ದಯ ।

ದಿಂದ ನಿಜಾನ್ವಯದೊಳಿಟ್ಟ । ಪು ।

ರಂದರವಿಠ್ಠಲನ ಸುರೇಂದ್ರ ಮುನಿಪ ।

ತಂದು ತೋರಲು ।। ಚರಣ ।।

****