ತೊಳಲದಿರು ಕಂಡ ಕಡೆಗೆ ಪರಮಾತ್ಮ purandara vittala

ರಾಗ ಮುಖಾರಿ ಅಟತಾಳ

ತೊಳಲದಿರು ಕಂಡ ಕಡೆಗೆ, ಪರಮಾತ್ಮ-
ನೊಳಕಂಡು ಸುಖಿಸೊ ಮನವೆ ||

ಲಿಪಿಯೊಳಖಿಳವ ಚಿಂತಿಸಿ ಕಡೆ ಕಡೆಗೆ
ಕಪಿಯಂತೆ ಎಡೆಯಾಡದೆ ಮನವೆ
ಗುಪಿತದೊಳಗಿದ್ದಾತ್ಮನ ಧ್ಯಾನಿಸಲು
ಅಪರಿಮಿತ ಸುಖ ಸುಖಿಸುವೆ ಮನವೆ ||

ನಾಗ ನರ ಸುರಲೋಕ ತಿರುತಿರುಗಿ
ಕಾಗೆಯೆಂತೆಡೆಯಾಡದೆ ಮನವೆ
ರಾಗದ್ವೇಷ ತೊಲಗಿಸಿ ಮನದಿ ಮಧು-
ಸೂದನನ ಕಾಣು ಕಂಡ್ಯ ಮನವೆ ||

ಪರರಿಗಿದ ಸೂಚಿಸದಿರೊ ಸಿದ್ಧಾಂತ
ಪರಮ ತತ್ವವನು ತಿಳಿದು ಮನವೆ
ಗುರುಪುರಂದರವಿಠಲನ ಸ್ಮರಿಸಲು
ಸ್ಥಿರವುಳ್ಳ ಮುಕುತಿಯಹುದೊ ಮನವೆ ||
***

pallavi

toLaladiru kaNDa kaDege paramAtmanoLa goNDu sakhiso manavE

caraNam 1

lipiyoLaghiLava cintisi kaDe kaDege kapiyante eDeyADade manavE

gupitadoLagiddAtmana dhyAnisalu aparimita sukha sukhisuve manavE

caraNam 2

nAga nara suralOka tiru tirugi kAgeyenteDeyADade manavE

rAga dvESa tolagisi manadi madhusUdanana kANu kaNDya manavE

caraNam 3

pararigida sUcisadiro siddhAnta parama tatvavanu tiLidu manave

guru purandara viTTalana smarisalu sthiravulLa mukutiyahudo manavE

***