ಬ್ರಾಹ್ಮಣನೆಂದರೆ ಬ್ರಹ್ಮನ ತಿಳಿದವನವನೀಗ purandara vittala

ರಾಗ ಭೈರವಿ. ಆದಿ ತಾಳ

ಬ್ರಾಹ್ಮಣನೆಂದರೆ ಬ್ರಹ್ಮನ ತಿಳಿದವನವನೀಗ ಬ್ರಾಹ್ಮಣನೋ||ಪ||
ಬ್ರಹ್ಮ ಭೇದವೆಂದು ಜಗವನ್ನು ಕಂಡವನವನೀಗ ಬ್ರಾಹ್ಮಣನೋ ||ಅ||

ಮೂಗಲ್ಲಿ ವಾಯು ತುಂಬಿ ಎಳೆಯೋವ ಅವನೀಗ ಬ್ರಾಹ್ಮಣನೋ
ನಾಗಸ್ವರನ ಧ್ವನಿ ಕಿವಿಯಲ್ಲಿ ಕೇಳೋವ ಅವನೀಗ ಬ್ರಾಹ್ಮಣನೋ
ಬೇಗನೆ ನೆಲೆನೆಲೆ ಆರನ್ನು ಅಡರೋವ ಅವನೀಗ ಬ್ರಾಹ್ಮಣನೋ
ವೇಗದಿಂದಲಿ ಚಂದ್ರ ಮಂಡಲದಮೃತವನುಂಡವ ಬ್ರಾಹ್ಮಣನೋ ||

ಮುತ್ತಿನಂದದಿ ಮಳೆಹನಿ ಉದುರುವಾಗ ತೊಲಗದವ ಬ್ರಾಹ್ಮಣನೋ
ಮತ್ತೆ ದ್ವಿದಳದ ಸಿಂಹಾಸನದಲ್ಲಿ ಕುಳಿತವ ಬ್ರಾಹ್ಮಣನೋ
ಎತ್ತೆತ್ತ ನೋಡಲು ಸೂಸುಬೆಳದಿಂಗಳು ಕಾಣೋವ ಬ್ರಾಹ್ಮಣನೋ
ಉತ್ತಮ ಸಹಸ್ರ ಕಮಲ ಗರಿಕೆಯಲ್ಲಿ ಸೇರೋವ ಬ್ರಾಹ್ಮಣನೋ ||

ಥಳಥಳಿಸುವ ಬ್ರಹ್ಮರಂಧ್ರವೆ ಸುಖವೆಂದು ಮಲಗುವ ಬ್ರಾಹ್ಮಣನೋ
ಬಲು ರವಿ ಶತಕೋಟಿ ಶಿಂಶುಮಾರದಲ್ಲಿ ಸೇರೋವ ಬ್ರಾಹ್ಮಣನೋ
ಕಲಿಯುಗದಲಿ ಹರಿ ನಾಮದ ಅಮೃತವನುಂಡವ ಬ್ರಾಹ್ಮಣನೋ
ಸುಲಭದಿ ಪುರಂದರವಿಠಲ ರಾಯನ ಸೇರೋವ ಬ್ರಾಹ್ಮಣನೋ ||
***

pallavi

brAhmaNanendare brahmana tiLidavanavanIga brAhmaNanO

anupallavi

brahma bhEdavendu jagavannu kaNDavanavanIga brAhmaNanO

caraNam 1

mUgalli vAyu tumbi eLeyova avanIga brAhmaNanO

nAgasvarana dhvani kiviyalli kELOva avanIga brAhmaNanO

bEgane nelenele Arannu aDarOva avanIga brAhmaNanO

vEgadindali candra maNDaladamrtavanuNDava brAhmaNanO

caraNam 2

muttinandadi maLehani uduruvAga tolagadava brAhmaNanO

matte dvidaLada simhAsanadalli kuLitava brAhmaNanO

ettetta nODalu sUsubaudingaLu kANova brAhmaNanO

uttama sahasra kamala garigeyalli sErOva brAhmaNanO

caraNam 3

thaLathaLisuva brahmarandharave sukhavendu malaguva brAhmaNanO

balu ravi shatakOTi shimshumAradalli sErOva brAhmaNanO

kaliyugadali hari nAmada amrtavanuNDava brAhmaNanO

sulabhadi purandara viTTala rAyana sErOva brAhmaNanO

***