ನಲ್ಲೇ ಸಿರಿ ತನ್ನ ಪತಿಗೆ others ಸಂಪ್ರದಾಯ ಹಾಡು NALLE SIRI TANNA PATIGE SAMPRADAYA

ರಾಗ ಮೋಹನ   ಖಂಡಛಾಪುತಾಳ 

Audio by Mrs. Nandini Sripad

ನಲ್ಲೇ ಸಿರಿ ತನ್ನ ಪತಿಗೆ  ಸಂಪ್ರದಾಯ ಹಾಡು 

NALLE SIRI TANNA PATIGE SAMPRADAYA song

ನಲ್ಲೆ ಸಿರಿ ತನ್ನ ಪತಿಗೆ ಮಲ್ಲಿಗೆಯ ತೈಲವನು

ಉಲ್ಲಾಸದಲಿ ತಂದು ಒತ್ತುತಿಹಳು ॥ ಪ ॥

ಚಿನ್ನ ಕೊಪ್ಪರಿಗೆಯಲಿ ಪನ್ನೀರು ಕಾಸಿ

ತನ್ನ ವಲ್ಲಭಗೆರೆದು ಮೈಯ ಒರೆಸಿ ॥ 1 ॥

ಕೇಶವ ನಾರಾಯಣಗೆ ಕೇಶವನೆ ಹಿಕ್ಕುತಲಿ

ವಾಸುದೇವನಿಗೆ ಮಲ್ಲಿಗೆಯ ಮುಡಿಸಿ ॥ 2 ॥

ಮಾಧವ ಗೋವಿಂದನಿಗೆ ಮಣಿಕಿರೀಟವನಿಟ್ಟು

ವೇದವೇದ್ಯನಿಗೆ ಸಾಗರನ ಸುತೆಯು ॥ 3 ॥

ವಿಷ್ಣು ಮಧುಸೂದನಗೆ ರತ್ನ ಕುಂಡಲವಿಟ್ಟು

ಅಚ್ಯುತಾನಂತಗೆ ಭಕ್ತಿಯಿಂದ ॥ 4 ॥

ತ್ರಿವಿಕ್ರಮ ವಾಮನಗೆ ತ್ರಿವಳಿಯಾ ಕಂಠಕೆ

ಮುತ್ತಿನ ಹಾರವನೆ ಧರಿಸುತಿಹಳು ॥ 5 ॥

ಶ್ರೀಧರಗೆ ಒಪ್ಪುವ ಶ್ರೀವತ್ಸ ಲಾಂಛನ

ಹೃಷೀಕೇಶಗೆ ದಿವ್ಯ ತುಳಸಿ ದಂಡೆ ॥ 6 ॥

ಪದ್ಮನಾಭಗೆ ದಿವ್ಯ ವಜ್ರದ ಪದಕವು

ದಾಮೋದರಗೆ ದಿವ್ಯ ವೈಜಯಂತಿ ॥ 7 ॥

ಸಂಕರುಷಣಗೆ ದಿವ್ಯ ವಂಕಿ ಭುಜಕೀರ್ತಿಯು

ವಾಸುದೇವಗೆ ಹಸ್ತ ಕಡಗವಿಟ್ಟು ॥ 8 ॥

ಪ್ರದ್ಯುಮ್ನಮೂರ್ತಿಗೆ ವಜ್ರದುಂಗುರವಿಟ್ಟು

ಅನಿರುದ್ಧನಿಗೆ ಕಡಗ ಸರಗಳಿಟ್ಟು ॥ 9 ॥

ಪುರುಷೋತ್ತಮಗೆ ದಿವ್ಯ ಜರಿಯ ಪೀತಾಂಬರವು

ಅಧೋಕ್ಷಜನಿಗುಡಿಸಿ ಅರ್ಥಿಯಿಂದ ॥ 10 ॥

ನರಸಿಂಹ ಮೂರುತಿಗೆ ನಡುವಿನೊಡ್ಯಾಣವು

ಅಚ್ಯುತಗೆ ಸಿಕ್ಕಿ ಮುತ್ತಿನ ಕಠಾರಿ ॥ 11 ॥

ಜನಾರ್ಧನಗೆ ದಿವ್ಯ ಝಣಿರೆಂಬ ಗೆಜ್ಜೆಯು

ಉಪೇಂದ್ರನಿಗೆ ಕಡಗ ರುಳಿಗಳಿಟ್ಟು ॥ 12 ॥

ಶ್ರೀಹರಿಯ ಪಾದವು ಮೊದಲು ಶಿರಸು ಪರಿಯಂತರ

ಶ್ರೀಕೃಷ್ಣನ ನೋಡಿ ಭಕ್ತಿಯಿಂದ ॥ 13 ॥

ಮತ್ಸ್ಯಕೂರ್ಮವರಾಹ ನಾರಸಿಂಹ ಚಿಕ್ಕ 

ವಾಮನ ಭಾರ್ಗವ ರಾಮಚಂದ್ರ ॥ 14 ॥

ಕೃಷ್ಣ ಬೌದ್ಧ ಕಲ್ಕಿರೂಪ ನೀನೇ ಎಂದು

ಸೃಷ್ಟಿಯಲಿ ನೆಲೆಯಾದಿಕೇಶವನಿಗೆ *

ಸಾಷ್ಟಾಂಗಕ್ಕೆರಗಿದಳು ಸಂತೋಷದಿಂದ ॥ 15 ॥

***

(*this devaranama is not written by kanakadasaru)