ಪೋಷಿಸೆನ್ನ ಜೀಯ ಶ್ರೀ ವರದೇಶ ದಾಸರಾಯ ankita abhinava pranesha vittala ವರದೇಶ ದಾಸ stutih

.

ಪೋಷಿಸೆನ್ನ ಜೀಯ| ಶ್ರೀ ವರದೇಶ ದಾಸರಾಯ ||ಪ||       

ನೇಸರಕುಲಪತಿ ದಾಶರಥಿಯ ಪದ ಸೋಸಿಲಿ ಭಜಿಸಿದ ಭೂಸುರ ಪ್ರಿಯನೆ ||ಅ.ಪ||      

ದಾಸಕುಲಾನ್ವಯನೇ ಗುರು ಪ್ರಾಣೇಶ ಪದಾಶ್ರಯನೇ | ಕಾಸುಭೂಮಿ ವನಿತಾಶೆಯ ತೊರೆಯುತ ಮಾಸತಿಪತಿ ಪದ ಪೊಂದಿದ ಪ್ರಭುವರ ||೧||    

ಮೂಢತನದಿ ನಾನು ಸಂತತ ಕೇಡು ಕಾರ್ಯಗಳನು | ಮಾಡಿದೆ ಬಹು ವಿಧ ರೂಢಿಗೊಡೆಯ ಶ್ರೀ ಕ್ರೋಢನ ಭಜಿಸದೆ ಖೋಡಿಯಾಗಿರುವೆ ||೨||      

ಏನುಪೇಳಲಿನ್ನು ಎನ್ನಯ ಹಾನಿಯ ಪರಿಯನ್ನು| ಮಾನದ ಅಭಿನವ ಪ್ರಾಣೇಶ ವಿಟ್ಠಲನ | ಪ್ರಾಣ ಪ್ರಿಯ ಜವ ಪೋಣಿಸು ಸನ್ಮತಿ ||೩||

***