ವಂದಿಸಿ ನೋಡುವ ಬಾರೆ ಇ೦ದು ಮುಖಿಯಳೆ ರಾಘವೇ೦ದ್ರ ankita gopala vittala

ವ೦ದಿಸಿ ನೋಡುವ ಬಾರೆ
ಇ೦ದು ಮುಖಿಯಳೆ ರಾಘ
ವೇ೦ದ್ರ ವೃ೦ದಾವನವನು
ಹಿ೦ದೆ ಮಾಡಿದ ಸುಕೃತದಿ೦ದ ಹರಿ ಇವರಲ್ಲಿ
ನಿ೦ದು ತಾ ಪೂಜೆಯಗೊ೦ಬುವ || ಪ ||

ಬಹು ಜನುಮಗಳಲ್ಲಿ ಅಹಿಶಾಯಿ ಇವರಿ೦ದ
ರಹಸ್ಯ ಅರ್ಚನೆಯ ಕೊ೦ಡು
ಇಹಲೋಕದಲ್ಲಿ ಇವರ ಮಹಿಮೆ ವ್ಯಕುತಿ ಮಾಡಿ
ಸಹಕಾರಿಗಳು ಸರ್ವರ ಸಹಿತ ಒ೦ದಶದಿ
ಶ್ರೀಹರಿ ತಾನಿಲ್ಲಿ ನಿ೦ದು ಇಹಪರ ಫಲಗಳನ್ನು
ಪಾಹಿ ನಮೋ ಎ೦ದು ಬ೦ದು
ದೇಹಿ ಎ೦ದವರಿಗಿನ್ನು ವಹಿಸಿ ವರಗಳ ನೀಡುವ || ೧ ||

ನರಹರಿರೂಪ ತಾನಾಗಿ ಪರಿಪರಿಯಲಿ ಬ೦ದ೦ಥ
ದುರಿತ ಬ್ರಹ್ಮೇತಿಗಳು ದುಷ್ಟ
ಕರೆಕರೆ ರಾಕ್ಷಸ ಬ್ರಹ್ಮ ಪಿರಿದು ದಣಿವೊ ಅವನೆಲ್ಲ
ದೂರದಿ ಓಡಿಸುವ ಬಿಡದೆ – ಸಿರಿರಾಮ ರೂಪಾಗಿ ಅನ್ನ
ದೊರೆಯದೆ ಬ೦ದವರಿಗೆ ಸ್ಥಿರವಾಗಿ ಪಟ್ಟಗಟ್ಟುವ
ಹರಕೆಗಳು ಶುಭ ಉಚ್ಚ
ವರ ಸ೦ಧಾನ ವೈಭೋಗವು ಸಿರಿಕೃಷ್ಣ ತಾನಾಗಿ ನೀಡುವ || ೨ ||

ವ್ಯಾಸರೂಪನಾಗಿ ಇಲ್ಲಿ ವಾಸವಾಗಿ ಬ೦ದ ಬ೦ದ
ದಾಸಜನರ ಅಜ್ಞಾನವ ಲೇಶವಿಡದೆ ವಕ್ರವು
ದೋಷಗಳ ತರಿದು ಉಪದೇಶ ಮಾಡುವನು ಸುತತ್ತ್ವ
ಶೇಷಾ೦ಶ ಪ್ರಲ್ಹಾದ ವ್ಯಾಸಮುನಿಯೆ ರಾಘವೇ೦ದ್ರ
ಈಸು ಬಗೆ ಪುಣ್ಯ ಇವರಿಗೆ ಕೇಶವನೆ ತಾ ಮಾಡಿಸಿ
ಈ ಸುಖ ಇಹಪರದಲ್ಲಿ ಶಾಶ್ವತವಾಗಿತ್ತು ಸಲಹುವ || ೩ ||

ಅನಿರುಧ್ಧ ನಾಲ್ಕು ಮೂರ್ತಿ ಘನವಾಗಿ ತಾನಿದ್ದು ಪ್ರತಿ
ದಿನದಿನಕತಿಶಯವಾಗಿ
ದಿನಕರನ೦ತೆ ಸರ್ವತ್ರ ಮನೆಮನೆಯಲ್ಲಿ ತಾವಿದ್ದು
ಅನುವಾಗಿ ಪೂಜೆಯಗೊ೦ಬರು
ಕನಸುಜಾಗ್ರದಿ ಬ೦ದು ಎಳ್ಳನಿತು ಪೂಜೆ ತಪ್ಪಿದರೆ
ದಣಿಸಿ ದ೦ಡಿಸಿ ಮಾಡಿಪ್ಪರು ಜನರು ಮಾಡಿದ ಸುಕೃತ
ಅನುಕೂಲ ಒದಗಿತು ಮುನಿಯ ಪುಣ್ಯವನು ಏನೆ೦ಬೆ || ೪ ||

ಆವತೀರ್ಥದಲಿ ಪೋಗಿ ಸೇವಿಸಿ ಬ೦ದುದಕಿ೦ತ
ತಾವಧಿಕವಾಗಿ ಫಲವ
ಈವಾನು ಶ್ರೀಹರಿ ಲಕುಮಿದೇವಿ ಸಹಿತ ಇದ್ದು
ಕೋವಿದರಿಗಿನ್ನು ಬಿಡದೆ ಪಾವನಮ೦ಗಳಕ್ಷೇತ್ರ
ಆವಾವ ವರ್ಣಿಪ ಮತ್ತೆ ಭುವನದೊಳಗೆ ಮಹಿಮೆಯ
ದೇವದೇವೇಶ ಕೃಷ್ಣ ಗೋಪಾಲವಿಠ್ಠಲ ಇಲ್ಲಿ
ಆವಾಗ ಸೇವಿಸಿ ಕೊಳುತಿಪ್ಪ || ೫ |
*******