ಶೇಷಶಯನನೊಲಿದೀವ ಭಾಗವತ ಜನರಿಗೆ ankita neleyadikeshava

ಶೇಷಶಯನನೊಲಿದೀವ ಭಾಗವತ ಜನರಿಗೆ ಪ

ಭಯ ಭಕ್ತಿ ಮಂತ್ರಗಿಂತ್ರಗಳ ವಾದಬಯಲು ದೈವಂಗಳವುಷದಿಗಿವುಷದಿಜಯಾಪಜಯವೆಂಬ ಜನ್ಮಪ್ರಕೃತಿ - ತಾಪತ್ರಯಗಳೆಂಬ ತಾಮಸಗೀಮಸವಯಸಿಗೆ ಬಾರದ ಸುಜ್ಞಾನ ಗಿಜ್ಞಾನ - ನಿರ್ಣಯಗಳಾಗದ ಮಂತ್ರದರ್ಥಗಿರ್ಥನಯದಿಂದ ನರಹರಿಯ ಹೊಗಳುವರಿಗೆ ಶೇಷಶಯನನೊಲಿದೀವ ಭಾಗವತ ಜನರಿಗೆ 1

ಕಾಲ ಮೃತ್ಯು ಕಂಟಕಗಳ ಕಷ್ಟಗಿಷ್ಟ ಸುಖಾನು-ಕೂಲಗಿನುಕೂಲ ದಾರಿದ್ರ್ಯ ದುಕ್ಕಗಿಕ್ಕಮೇಲೆ ಬಹ ನಿಂದೆ ನಿಷ್ಠೂರಗಿಷ್ಠೂರ - ಭೂಪಾಲರಟ್ಟುಳಿ ವಾಕು ವಾದಗೀದಶೀಲ ಸೂತಕ ನೇಮಗೀಮ - ದೇವತಾ ಪ್ರಸ್ತಕಾಲದಲಿ ಮಾಳ್ಪ ಉಪವಾಸಗಿಪವಾಸನಾಲಗೆಯ ಮೇಲೆ ಅನವರತ ಹೊಗಳುವ ಗೋ-ಪಾಲಕೃಷ್ಣ ಭಾಗವತ ಜನರಿಗೆ 2

ಹಿಡಿತಬಿಡಿತಗಳೆಂಬ ಹಿಂಚುಮುಂಚುಗಳು ಪರರೊಡವೆಯ ಮೇಲಣಾಸೆಗೀಸೆನಡವಳಿಕೆ ದೋಷ ಪ್ರಾಯಗೀಯ ದ್ವಿಜಗಿತ್ತ ದು-ರ್ನುಡಿಗಳಾಡಿದರೆಂಬ ನೋವುಗೀವುಮಡದಿ ಮಕ್ಕಳು ಭೂಮಿಕ್ಷೇತ್ರ ದೋಹ ಮಾನ ಒಂ-ದೆಡರು ಬಂದೀತೆಂಬ ಚಿಂತೆಗಿಂತೆಪೊಡವಿ ಪತಿ ನರರುಲಿಯೆ ಜಿಹ್ವಾಗ್ರ ಮಧ್ಯದಲಿಪಡೆದು ಪಾಡುವ ಭಾಗವತ ಜನರಿಗೆ 3

ತೀರ್ಥಯಾತ್ರೆಯ ಗಮನಗಿಮನ - ಮನ್ನಣೆಯವರಕೂರ್ತು ಫಲವೀವ ಕೋರಿಕೆಗೀರಿಕೆಪ್ರಾರ್ಥನೆಯ ಹರಕೆ ಹರಿದಿನಗಿರಿದಿನಗಳೆಂಬ ಬಹುವಾರ್ತೆಯುನ್ನತಿಸುವ ದಿವಸಗಿವಸಧೂರ್ತ ಪ್ರಭಾವ ನಿಗಳಂ ಮತ್ತೆ ಮೋ-ಕ್ಷಾರ್ಥ ಬೇಕೆಂಬ ಸಂದೇಹಗಿಂದೇಹಧೂರ್ತ ಭಂಜನ ಲಕ್ಷ್ಮೀ ಮನೋಹರನ ಸಂ-ಕೀರ್ತಿಸುತಿಹ ಭಾಗವತ ಜನರಿಗೆ 4

ಎಲ್ಲಿಹುದು ಸರ್ವಸಂಗ ಪರಿತ್ಯಾಗವು ಮ-ತ್ತೆಲ್ಲಿಹುದು ಸುe್ಞÁನಯೋಗಿಗಳಿಗೆಎಲ್ಲಿಹುದು ಯಾತ್ರಾಚಾರಂಗಳಿತರರಿಗೆಎಲ್ಲಿಹುದು ನಿತ್ಯ ನಿರ್ಮಳ ಹರಿಗೆಎಲ್ಲಿಹುದು ಹರಿಯ ದಾಸಾನುದಾಸರಿಗೆ ಮ-ತ್ತೆಲ್ಲಿಹುದು ಪರಬ್ರಹ್ಮ ಪುತ್ಥಳಿಗೆಬಲ್ಲಿದನು ಕಾಗಿನೆಲೆಯಾದಿ ಕೇಶವನಲ್ಲದಿಲ್ಲೆನುತಿಹ ಭಾಗವತ ಜನರಿಗೆ 5
*******