ರಾಘವೇಂದ್ರ ಗುರುವೇ ನಿಮ್ಮಯ ಪಾದ ankita kanteshapriya vittala

 ರಾಗ: ಮೋಹನ ತಾಳ: ಆದಿ

ರಾಘವೇಂದ್ರಗುರುವೇ ನಿಮ್ಮಯ ಪಾದ

ಬಾಗಿನಮಿಪೆ ಸುರತರುವೇ ಪ

ಭಾಗವತರ ಭವರೋಗವ ಪರಿಹರಿಸಿ

ಭೋಗಿಶಯನನೊಳು ಅಗಾಧ ಭಕುತಿ ಕೊಡುವ ಅ.ಪ

ವರಮಂತ್ರಾಲಯದಿನೆಲಸೀ

ಬರುವ ಭಕುತರಭೀಷ್ಟಸಲಿಸೀ

ಹರಿಯ ಧ್ಯಾನದೊಳು ವೃಂದಾವನದೊಳಿಪ್ಪ

ಪರಮಯೋಗಿವರ್ಯ ಯತಿರಾಘವೇಂದ್ರ 1

ಕಂದ ಪ್ರಹ್ಲಾದನಾಗೀ ಕೃತಯುಗದಿ

ತಂದೆಗೆ ತೋರಿದೆ ಕಂಬದಿ ಹರಿಯಾ

ಮುಂದೆ ಯತಿವ್ಯಾಸರೆಂದೆನಿಸುತಾ

ಛಂದದಿ ಪೇಳಿದೆ ಮಧ್ವಮತ ಸಾರವಾ 2

ಮೂರೆರಡೊಂದುಶತವರುಷ 

ಚಾರುವೃಂದಾವನದೊಳಿರುತಾ

ವಾರಿಜನಾಭ ಕಾಂತೇಶಪ್ರಿಯವಿಠಲನ

ಸಾರಿಭಜಿಪಗುರು ಭಾಗವತೋತ್ತಮ 3

***