ಮಂಗಳಾರತಿಯನೆತ್ತೆರೆ ನಿತ್ಯ ಸುಮಂಗಳೆಗತಿಶಯದಿ ankita lakshmikanta

 ..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ಮಂಗಳಾರತಿಯನೆತ್ತೆರೆ ನಿತ್ಯ ಸು-

ಮಂಗಳೆಗತಿಶಯದಿ ಪ

ಮಂಗಳಾರತಿ ಎತ್ತಿ ತುಂಗಮಹಿಮ ಶ್ರೀ

ರಂಗನ ರಾಣಿಗೆ ಅಂಗನೆ ತುಳಸಿಗೆ ಅ.ಪ.

ಕಡಲೊಳು ಸುಧೆ ಹಿಡಿದು | ಬಂದನು

ಕಡು ಕರುಣಿಯು ಒಲಿದು

ಕುಡಿಗಣ್ಣಿನ ಜಲ ಸಡಿಲಲು ಕಲಶದಿ

ಒಡನೆ ಜನಿಸಿದಂತ ಮಡದಿ ಶ್ರೀ ತುಲಸಿಗೆ 1

ಸುರರು ಪೂಮಳೆಗರೆಯೆ | ಹರುಷದಿ

ಹರಿಯು ಕರವ ಪಿಡಿಯೆ

ವರವನು ಪಡೆದಳು ಶರಣರ ಪೊರೆಯಲು

ಧರೆಯೊಳು ಬಂದಿಹ ಕರುಣಿ ಶ್ರೀ ತುಳಸಿಗೆ 2

ಭಕುತಿಯಿಂದಲಿ ನಿತ್ಯ | ಸೇವಿಪ

ಸಕಲ ಜನಕೆ ಸತ್ಯ

ಭಕುತಿ ಮುಕುತಿಯಿತ್ತು ಸುಕೃತರ ಮಾಡುವ

ಲಕುಮಿಕಾಂತನ ಪ್ರೇಮಸಕುತೆ ಶ್ರೀ ತುಳಸಿಗೆ 3

***