ಮುಂಚೆ ನೋಡಣು ಬನ್ನಿ ಜನಗಳೆ ankita karpara narahari

ಮುಂಚೆ ನೋಡಣು ಬನ್ನಿ ಜನಗಳೆ

ಹಂಚಿನಾಳಿನವ ಹನುಮನ

ವಾಂಛಿತಾರ್ಥಗಳೀವ ಭಾವಿ

ವಿರಂಚಿದೇವ ಪದಾರ್ಹನಾ ಪ

ಅಂದು ಕಪಿಕುಲದಿಂದ ದುಸ್ತರ

ಸಿಂಧು ದಾಟಿದ ಧೀರನ

ವಂದಿಸುತ ಭೂನಂದನೆಯು

ಕ್ಷೇಮೆಂದು ರಾಮಗೆ ಪೇಳ್ದನ 1

ಧಾರುಣಿಯೊಳವತರಿಸಿ ಕುಂತಿ

ಕುಮಾರನೆನಿಸಿದ ಧೀರನ

ಕೌರವಾಂತಕನೆನಿಸಿ ಕೃಷ್ಣನ

ಭೂರಿ ಕರುಣವ ಪಡೆದನ 2

ವಾದಿಗಳ ನಿರ್ವಾದ ಗೈಸಿದ

ಬಾದರಾಯಣನ ಶಿಷ್ಯನ

ಭೇದಮತವನು ಸ್ಥಾಪಿಸಿದ ಗುರು

ಮೋದ ತೀರ್ಥ ಯತೀಂದ್ರನಾ 3

ಪಾಲಕಿಯ ಉತ್ಸವದಿ ಮೆರೆಯುತ

ವಾಲಗವ ಕೈಕೊಳುವನ

ಕಾಲಕಾಲಗಳಲ್ಲಿ ಭಜಕರ

ಮ್ಯಾಳವನು ಪಾಲಿಸುವನಾ 4

ಶೇಷಭೂಷಣ ವಾಸವಾದಿಸು

ರೇಶ ಭಕುತರ ಪೋಷನ

ಶ್ರೀಶ ಕಾರ್ಪರವಾಸ ಸಿರಿನರ

ಕೇಸರಿಗೆ ಪ್ರಿಯ ದಾಸನ5

****