ಹರಿಯೇ ಸಿರಿದೊರೆಯೆ ಅರಿಯೆ ನಿನ್ಹೊರತನ್ಯರ ankita gururama vittala

 ಶ್ರೀ ಗುರುರಾಮವಿಠಲ ದಾಸರ ರಚನೆ 

ಹರಿಯೆ ಸಿರಿದೊರೆಯೆ

ಅರಿಯೆ ನಿನ್ಹೊರತನ್ಯರ  ಪ

ಶರಣರ ಪೊರೆವ ಕರುಣಿ ನೀನೆ ದೇವ

ಮೊರೆ ಹೊಕ್ಕಿರುವರ ದುರಿತಗಳ ಕಳೆವ  ಅ.ಪ

ಕೋಟಿ ಸೂರ್ಯ ಪ್ರಕಾಶ ಕುಮುದಾಪ್ತಮಿತ ಭಾಸ

ನಾಟಕಾಧಾರ ಶ್ರೀಶ

ಸಾಟಿಯಿಲ್ಲ ನಿನಗೆ ಸುರ ನರೋರಗರೊಳಗೆ

ಹಾಟಕ ಗರ್ಭತಾತ ಅಖಿಲ ಸದ್ಗುಣೋಪೇತ 

1

ಬರಿದೆ ಈ ಸಂಸಾರ ಶರಧಿಯೊಳ್ ಮುಳುಗುತ

ಧರೆಯ ಕಾಣದೆ ಕೂಗುತ

ಮರಳಿ ಮರಳಿ ಜನನ ಮರಣಗಳೈದುತ

ನರಕ ಸ್ವರ್ಗ ಭೂಲೋಕ ತಿರುಗಿ ಬಳಲುವವೋ 

2

ಹಟದಿ ದುರ್ಮತಿಗಳಾರ್ಭಟಿಸುತಅಜ್ಞಾನದಿ

ಮಟ ಮಾಯದಿ ಚರಿಸಿ

ತ್ರುಟಿಯಾದರು ನಿನ್ನ ಭಜಿಪ ಜನರಿಗೆ

ಘಟಿಪುದೇ ಗುರುರಾಮವಿಠಲ ನಿನ್ನಯ ಕರುಣ 

3

***