ರಾಗ : ಮೋಹನ ತಾಳ : ಆದಿ
ಶ್ರೀ ಮಂತ್ರಾಲಯಾಧೀಶ -
ಗುರುರಾಜ ಸುರಭೋಜ ।
ಸಿರಿ ರಾಘವೇಂದ್ರ ನಮೋ ।। ಪಲ್ಲವಿ ।।
ಸಿರಿ ಮಧ್ವ ಮುನಿ ಪರಮ ।
ಕರುಣಾ ಜಲಧಿಯೊಳು ।
ಪರಿ ಪರಿ ಹರಿಯುವ ।
ಸುರಧೇನು ಸಲಹೆಮ್ಮ ।। ಅ ಪ ।।
ಸುರರಾಜನಂತೆ ಭೂಸುರರ -
ಪಾಲಿಪನಾದ ।
ಹರಿ ಪಾದಪದ್ಮ ಭೃಂಗ ।
ದೊರೆ ನಿನ್ನ ವೈಭವ ।
ಸಿರಿಯೆಂತೊ ನಾ ಕಾಣೆ ।
ಹರಿ ತಾನೆ ನಿಂದತುಳ ।
ವರಗಳ ಬೀರುವ ।। ಚರಣ ।।
ಸುವರ್ಣ ವೃಂದಾವನದಿ -
ಮೆರೆಯುವ ।
ಸಂದೇಹ ಹರನೆ ಧೀರ ।
ಅಂದಾದಿ ಕೇಸರಿ ।
ಗಂಧ ಅಕ್ಷತೆ ಧರಿಸಿ ।
ಚಂದಿರನಂತೆಸೆವ ।
ಮಂದಹಾಸನೆ ಪಾಹಿ ।। ಚರಣ ।।
ದೇಶ ದೇಶದಿ ಬರುವ ।
ದಾಸ ಜನರ ಆರ್ಥಿ ।
ಕೋಶ ಮೂರುತಿ -
ನೀನೆ ಹಂಸ । ಜ ।
ಯೇಶ ವಿಠಲ ದಾಸ ।
ಈ ಸಮಯದಿ ಕಾಯೋ ।
ಭೋ ಸೋತು ಮೊರೆಹೊಕ್ಕೆ ।। ಚರಣ ।।
****
No comments:
Post a Comment