ಪಾಹಿ ಮೋಹನ ವಿಠಲ ಪರಮಕರುಣಾಜಲಧಿ ankita vijaya vittala

ವಿಜಯದಾಸ
ಪಾಹಿ ಮೋಹನ ವಿಠಲ ಪರಮಕರುಣಾಜಲಧಿ
ಮಹದಾದಿ ದೇವ ವಂದ್ಯ |
ಮೋಹಪಾಶವ ಬಿಡಿಸಿ ನಂಬಿದವನಿಗೆ ಒಲಿದು
ರಹಸ್ಯಮತಿ ಕೊಡುವುದು ಸ್ವಾಮಿ ಪ

ನೀನಿತ್ತ ಮಾತುಗಳು ಪೊಳ್ಳಾಗಬಲ್ಲವೆ
ಅನಂತ ಜನುಮವಾಗೆ
ಆನೊಬ್ಬನೆನ್ನದಿರು ಕೀರ್ತಿಸುವ ನರನೆಂದು
e್ಞÁನಿಗಳಿಗರಿವಾಗಿದೆ
ಏನಯ್ಯ ನಿನ್ನಂಘ್ರಿ ಭಜಿಸದಲೆ ಇರುತಿಪ್ಪ
ಮಾನವನ ಕ್ಲೇಶಕೆಣಿಯೆ
ಆನಂದ ನಂದನನೆ ತೃಣವ ಪಿಡಿದು ರುತುನ
ವನು ಮಾಡಿ ತೋರುವ ಸ್ವಾಮಿ 1

ನಿನ್ನಧೀನ ಕರ್ಮಸ್ವಭಾವ ಮೊದಲಾಗಿ
ಅನ್ಯಥಾ ಯಲ್ಲಿ ಕಾಣೆ
ಮನ್ನಿಪುದು ಮುದದಿಂದ ಮುಂದನೆನ್ನದೆ ಎನ್ನ
ಬಿನ್ನಪವ ಬರಿದೆನಿಸದೆ
ಅನ್ಯನಿವನಲ್ಲವೊ ಎನ್ನನ್ನೆ ಪೊಂದಿದ
ನಿನ್ನ ದಾಸನ ದಾಸನು
ಉನ್ನಂತ ಗುಣವಿತ್ತು ಉರುಕಾಲ ಒಲಿದು ಪ್ರ
ಸನ್ನನಾಗೋ ಪಾವನ್ನರನ್ನ 2

ನರರಿಗೆ ಸಾಧನ ಸತ್ಕೀರ್ತನೆ ಎಂದು
ಪರಮೇಷ್ಠಿ ಒರೆದನಿದಕೊ
ಪರಿಪರಿ ಬಗೆಯಿಂದ ಕರ್ಮಗಳ ಮಾಡಿದರೆ
ದುರಿತ ಬೆಮ್ಮೊಗವಾಗವು
ಪಿರಿದಾಗಿ ಬೇಡಿದೆನೊ ವಿಜಯವಿಠ್ಠಲ ನಿನ್ನ
ಶರಣರೊಳಗಿಟ್ಟು ಕಾಪಾಡು
ಸ್ಥಿರವಾಗಿ ಅಂಕಿತವ ಪ್ರೇರಿಸಿ ಕೊಡಿಸಿದ್ದು ಧರೆಯೊಳಗೆ
ಪರಿಪೂರ್ಣವಾಗಿ ಇರಲಿ ಸ್ವಾಮಿ3
******

ಶ್ರೀ ವಿಜಯರಾಯರು 

" ಅಂಕಿತ ಪದ " 

ರಾಗ : ಕಲ್ಯಾಣಿ ತಾಳ : ಝಂಪೆ 

ಪಾಹಿ ಮೋಹನ ವಿಠಲ -

ಪರಮ ಕರುಣಾ ಜಲನಿಧೆ ।

ಮಹದಾದಿ ದೇವ ವಂದ್ಯ ।

ಮೋಹ ಪಾಶವ ಬಿಡಿಸಿ -

ನಂಬಿದವಗೆ ವೊಲಿದು ।

ರಹಸ್ಯ ಮತಿ ಕೊಡುವುದು -

ಸ್ವಾಮಿ ।। ಪಲ್ಲವಿ ।। 

ನೀನಿತ್ತ ಮಾತುಗಳು -

ಪೊಳ್ಳಗ ಬಲ್ಲವೇ ।

ಅನಂತ ಜನಮದಾಗೆ ।

ಆನೊಬ್ಬ ನೆನ್ನದಿರು । -

ಕೀರ್ತಿಸು ।

ವ ನರನೆಂದು ಜ್ಞಾನಿ-

ಗಳಿರುದಾಗಿದೆ ।।

ಏನಯ್ಯಾ ನಿನ್ನಂಘ್ರಿ -

ಭಜಿಸದಿಪ್ಪ ।

ಮಾನವನ ಕ್ಲೇಶಕೆಣಿಯೆ ।

ಆನಂದ ನಂದನೆ -

ತೃಣವ ಪಿಡಿದು । ರ ।

ತುನವನು ಮಾಡಿ ತೋರುವ -

ಸ್ವಾಮಿ ।। ಚರಣ ।। 

ನಿನ್ನಧೀನ ಕರ್ಮ -

ಸ್ವಭಾವ ಮೊದಲಾಗಿ ।

ಅನ್ಯಥಾ ಎಲ್ಲಿ ಕಾಣೆ ।

ಮನ್ನಿಪುದು ಮುದದಿಂದ -

ಮೋದದಲ್ಲಿ ।

ಎನ್ನ ಬಿನ್ನಪವನು -

ಬಿರಿದೆನಿಸಿದೆ ।।

ಅನ್ಯರಿದರೊಳಗಿಲ್ಲ -

ಯೆನ್ನ ಪೊಂದಿದವನು ।

ನಿನ್ನ ದಾಸರ -

ದಾಸರು ಉನ್ನತ ।

ಗುಣವಿತ್ತು ಉರು-

ಕಾಲ ವೊಲಿದು ।

ಪ್ರಸನ್ನನಾಗೋಪಾವನ್ನಾ -

ರನ್ನಾ ।। ಚರಣ ।। 

ನರರಿಗೆ ಸಾಧನಾ -

ಸತ್ಕೀರ್ತನೆಯೆಂದು ।

ಪರಮೇಷ್ಠಿ ಒಲಿಪನಾಹಕೊ ।

ಪರಿ ಪರಿಯಿಂದ -

ಕರ್ಮಗಳ ಮಾಡಿದರೆ ।

ದುರಿತ ಬೆಮ್ಮೊಗವಾಗವು ।।

ಪಿರವಾಗಿ ಬೇಡಿದೆನೋ -

ವಿಜಯವಿಠ್ಠಲ ನಿನ್ನ ।

ಶರಣರೊಳಗಿಡು ಕಾಪಾಡು ।

ಸ್ಥಿರವಾಗಿ ಅಂಕಿತವ -

ಪ್ರೇರಿಸಿ ಕೊಡಿಸಿದ್ದು ।

ಧರೆಯೊಳಗೆ ಪರಿಪೂರ್ಣ-

ವಾಗಿ ಇರಲಿ ಸ್ವಾಮಿ ।। ಚರಣ ।। 

*****