ಯಾಕೆ ಕರುಣ ಬಾರದ್ಹರಿಯೆ ಲೋಕನಾಯಕ ನಿನಗೆ ಸರಿಯೆ ankita kamalanabha vittala

 ..

kruti by Nidaguruki Jeevubai

ಯಾಕೆ ಕರುಣ ಬಾರದ್ಹರಿಯೆ

ಲೋಕನಾಯಕ ನಿನಗೆ ಸರಿಯೆ ಪ

ವ್ಯಾಕುಲದಲಿ ಮುಳುಗಿ ಬಹಳ

ಶೋಕಪಡುವ ಜನರ ಕಂಡು ಅ.ಪ

ತಂದೆ ತಾಯಿ ಬಂಧು ಬಳಗ

ಇಂದು ಮುಂದು ಗತಿ ನೀನೆಂದು

ಪೊಂದಿ ನಿನ್ನ ಭಜಿಸದಿರುವ

ಮಂದ ಮತಿಗಳನ್ನೆ ಕಂಡು 1

ಕಾಮ ಕ್ರೋಧ ಲೋಭ ಮೋಹ

ಮದ ಮತ್ಸರದಿ ಮುಳುಗಿ ಮುಳುಗಿ

ಕಾಮಜನಕ ನಿನ್ನ ಮರೆತ

ತಾಮಸ ಜನರುಗಳ ಕಂಡು 2

e್ಞÁನಿಗಳನೆ ಕಂಡು ಪರಮ

ಸಾನುರಾಗದಿಂದ ಪೊರೆವೆ

e್ಞÁನ ಶೂನ್ಯರಾದ ಪರಮ ಅ-

e್ಞÁನಿ ಜನರುಗಳನೆ ಕಂಡು 3

ಪರಮಪುರಷ ನಿನ್ನ ಮಹಿಮೆ

ನಿರುತ ಧ್ಯಾನಿಸುವವರ ಸಂಗ

ಕರುಣದಿಂದ ಪಾಲಿಸಯ್ಯ

ಪರಮ ಕರುಣಾನಿಧಿಯೆ ದೇವ4

ನೊಂದೆ ಭವದ ಬಂಧನದೊಳು

ತಂದೆ ಕಮಲನಾಭ ವಿಠ್ಠಲ

ಬಂಧನಗಳ ಬಿಡಿಸಿ ಸಲಹೊ

ಮುಂದೆ ಶ್ರಮವ ಹರಿಸೊ ಬೇಗ5

***