ನೀ ಕೊಟ್ಟಿದುಣುವಲ್ಲಿ ಭಕ್ತಿ ಹರುಷ ಶ್ರೀಕಾಂತ ankita jayesha vittala NEE KOTTIDUNUVALLI BHAKTI HARUSHA SRIKAANTA

ನೀ ಕೊಟ್ಟಿದುಣುವಲ್ಲಿ ಭಕ್ತಿ ಹರುಷ ಪ

ಶ್ರೀಕಾಂತ ನೀಡೆನಗೆ ಸಾಕು ಬೇಕೆನ್ನಿಸದೆ ಅ.ಪ.

ನಾ ಬಲ್ಲೆನೆ ಎನ್ನ ಹಿತಾಹಿತಗಳ ಬಗೆಯ

ನೀ ಬಲ್ಲ ಸರ್ವಜ್ಞ ನಮ್ಮ ಕ್ಷೇಮ

ನೀ ಬಂಧು ಅನಿಮಿತ್ತ ಅನಂತ ಕಾಲಕ್ಕೂ

ಆ ಬ್ರಹ್ಮಸ್ತಂಭಾಂತ ಸಂಸಾರಿ ಸರ್ವೇಶ 1

ಕಂಸಮರ್ದನ ಎನ್ನ ಸಂಶಯಗಳಿಯಯ್ಯ

ಹಂಸ ಸದ್ಗುಣ ಪೂರ್ಣ ಪುರುಷ ಶ್ರೀಶ

ಹಿಂಸೆಗಳ ಪರಿ ಹರಿಸಿ ನಿನ್ನ e್ಞÁನವ ನೀಡೊ

ಸ್ವಾಂಶಿಗಳ ಗುಣರೂಪ ಕ್ರಿಯದಿಂದ ದೇವ 2

ನಿನಗಿಂತ ಹಿತರ್ಯಾರೊ ನಿತ್ಯ ಮಿತ್ರನೆ ನಮಗೆ

ಅನುಗಾಲ ಸಲಹುವಿ ತಾಯಿಯಂತೆ

ಬಿನಗು ದೈವಗಳಳಿವ ಜಯೇಶವಿಠಲ

ಮನತೊಳೆದು ಪ್ರತಿಫಲಿಸು ನಿತ್ಯ ಮಂಗಳ ಮೂರ್ತಿ 3

ನೀನಿತ್ತ ಭೋಗಗಳು ನಿನಗೊಪ್ಪಿಸುವೆನೆನಲು

ದೀನ ಜನ ಮಂದಾರ ನಿನ್ನ ಮನಕೆ

ಏನು ಕಾರಣ ಬರದು ಆನಿವರದನೆ ಕೇಳೋ

ಪ್ರಾಣಪತಿ ಜಯೇಶವಿಠಲನೆ ಕರುಣಾಬ್ಧಿ 4

***