ಆದ ವಿಷಯಗಳು ಬಾಧಿಸದಂತೆನ್ನ ankita prasanna

ಆದ ವಿಷಯಗಳು ಬಾಧಿಸದಂತೆನ್ನ l

ಮಾಧವ ನೀ ಪೊರೆಯೋ ದಯಾನಿಧೇ ll ಪ ll

ಕ್ರೋಧವ ಬಹುತರ ಸಾಧಿಸಿ ಮನದಲಿ l

ಖೇದವ ಪೊಂದಿದೆನೋ ರಮಾಧವ ll ಅ ಪ ll

ಹೆಜ್ಜೆಯನರಿಯದೆ ಗೆಜ್ಜೆ ಕಟ್ಟಿಹೆನೆಂದು l

ಗರ್ಜಿಸುತಿರುವರು ದುರ್ಜನರೆಲ್ಲರು l

ಮರ್ಜಿಯನರಿಯುವ ಸಜ್ಜನರೆನ್ನನು l 

ವರ್ಜಿಸಬಿಡದಿರೋ ಮೂರ್ಜಗದೊಡೆಯನೇ ll 1 ll

 ರೀತಿಯನರಿಯದೆ ಆತುರದಲಿ ಮನ l

ಸೋತೇನೆನ್ನುತಿಹರೋ ದುರಾತ್ಮರು l

ಖ್ಯಾತಿಗಾಗಿ ಧನಪ್ರೀತಿಗಾಗಿ ಸಭ್ಯ l

ನೀತಿಯ ಮಾರ್ಗದಿಂ ಚಲಿಸದೆ ಪೊರೆಯೋ ll 2 ll

ನಿನ್ನ ನಾನರಿತೆನೋ ಎನ್ನನರಿತು ನೀ ಪ್ರ l

ಸನ್ನನಾಗಿ ನಿನ್ನ ಸೇವೆಯ ನೀಡಲು l

ಅನ್ಯರಂತಿರಲಿ ನಿನ್ನ ಮನಕೆ ನಾ l

ಅನ್ಯನಾಗದಂತೆ ಸತತವು ಕರುಣಿಸೋ ll 3 ll

***