ಸಾಕು ಈ ಭವಭಂಗ ಈ ಮಾನಭಂಗ ankita pranesha vittala SAAKU EE BHAVABHANGA EE MAANABHANGA

ಸಾಕು ಈ ಭವಭಂಗ ಈ ಮಾನಭಂಗ. ಪ 

ಯಾಕೊ ಈ ಭವಭಂಗ ಸಾಕೋ ಈ ಮಾನಭಂಗ |
ಸಾಕಬೇಕೆಲೋ ರಂಗ ||

ಹಲವು ಜನುಮಗಳಲ್ಲಿ ತೊಳಲಿ ತೊಳಲೀ 
ಬಳಲಿ ಪುಟ್ಟಿದೆ ಈಗ ನರಜನ್ಮದಲ್ಲಿ | 
ಎಲ್ಲಿ ಹೋದರೂ ಅಲ್ಲಿ ಸುಖವಿಲ್ಲ ಲೋಕದಲ್ಲಿ 
ಕಾಲವ ಕಳೆಯುತಲಿರುವೆನೊ ಪೃಥ್ವಿಯಲ್ಲಿ ||

ಆಡಬಾರದ ಆಟ ನೋಡಬಾರದ ನೋಟ |
ಕೂಡಬಾರದ ಕೂಟದೊಳಗೆನ್ನ ನಲಿದಾಟ ||
ಒಡಲಿಗಿಲ್ಲದೆ ಪರರ ಮನೆಯೊಳಗೆ ಓಡ್ಯಾಟ | 
ಬ್ಯಾಡವೆಂದರೂ ಬಿಡದು ಇದೆಲ್ಲ ನಿನ್ನಾಟ ||

ನಿನ್ನವನೆಂದೆನಿಸೊ ಮನಸು ನಿನ್ನೊಳು ನಿಲಿಸೊ |
ನಿನ್ನ ದಾಸರ ಸಂಗದೊಳಗೆನ್ನನಿರಿಸೊ |
ಎನ್ನಂಥ ಪತಿತರು ಇನ್ನಿಲ್ಲ ಧರೆಯೊಳಗೆ |
ಮನ್ನಿಸಿ ಸಲಹೋ ಶ್ರೀ ಪ್ರಾಣೇಶವಿಠಲ ||
**********

saaku ee bhavabhanga ee maanabhanga

just scroll down for other devaranama