ಅಕ್ಕ ಎತ್ತಣ ಬಿಲ್ಲಹಬ್ಬ ಬಂತೆಮಗೆ purandara vittala

ರಾಗ ಆನಂದಭೈರವಿ ಅಟ ತಾಳ

ಅಕ್ಕ ಎತ್ತಣ ಬಿಲ್ಲಹಬ್ಬ ಬಂತೆಮಗೆ
ಪ್ರಾಣಕಾಂತನ ಕರದೊಯ್ವರು ಮಧುರೆಗೆ ||ಪ||

ಅಕ್ಕ ಮಧುರಾಪಟ್ಟಣದ ನಾರಿಯರು
ಅಕ್ಕ ಚದುರೆ ಚೆಲುವೆ ಚಪಲೆಯರು
ಅಕ್ಕ ಮದನಶಾಸ್ತ್ರದಿ ನಿಪುಣೆಯರು
ಸಿಕ್ಕ ಮಾಧವನ ಕಂಡರೆ ಅವರ್ ಬಿಡರು

ಅಕ್ಕ ಮೋಹನ ಕಾಣೆ ಮಧುರಾಪುರ
ಅಕ್ಕ ಮೋಹನ ನಾರಿಯರು ಉದಾರ
ಅಕ್ಕ ಮೋಹನ ಕಾಣೆ ಯಮುನಾ ತೀರ
ಅಕ್ಕ ಮೋಹನ ರಂಗ ಮನೆಗೆ ಬಾರ

ಅಕ್ಕ ಕರೆದು ಒಯ್ವರು ನಂದಕ್ರೂರ
ಅಕ್ಕ ಅಕ್ಕ ಬಂದೆ ಹೇಳುವ ನಂದಕ್ರೂರ
ಅಕ್ಕ ಧರೆಯೊಳಗೆಲ್ಲ ಅತಿಕ್ರೂರ
ಅಕ್ಕ ನಮಗಿರುವುದೆ ಬಿಡ ಸ್ಮರಚೋರ

ಅಕ್ಕ ಹೇಗೆ ಸೈರಿಸುವೆನರೆಘಳಿಗೆ
ಅಕ್ಕ ನಗಧರ ಬಾರನಲ್ಲ ಮನೆಗೆ
ಅಕ್ಕ ಹಗಲಿರುಳೆಂಬುದೊಂದು ಘಳಿಗೆಯಾಗೆ
ಅಕ್ಕ ಸಾಗಿಸಿ ಕಳುಹೆ ನನ್ನ ಬಳಿಗೆ

ಅಕ್ಕ ಮೋಹನ ಕಾಣೆ ಶ್ರೀರಂಗನು
ಅಕ್ಕ ಕರೆದರೆ ಓಡಿ ಬಾಹ ತಾನು
ಅಕ್ಕ ಬಾರ ಪುರಂದರ ವಿಠಲನು
ಅಕ್ಕ ಭಕುತರಿಗೆ ಸಿಕ್ಕಿ ಬಾಹನು
***

pallavi

akka ettaNa billahabba bandemage prANa kAntana karadoivaru mathurege

caraNam 1

akka mathurA paTTaNada nAriyaru akka cature celuve sabhaleyaru

akka madana shAstradi nipuneyaru sikka mAdhavana kaNDare avar biDaru

caraNam 2

akka mOhana kANe mathurApura akka mOhana nAriyaru udAra

akka mOhana kANe yamunA tIra akka mOhana ranga manege bAra

caraNam 3

akka karedu oivaru nanda krUra akka akka bande hELuva nanda krUra

dhareyoLagella ati krUra akka namagiruvude biDa smaracOra

caraNam 4

akka hEge sairisuveneragaLige akka nagadhara bAranalla manege

akka hagaliruLembudondu gaLigeyAge akka sAgili kaLuhe nanna balige

caraNam 5

akka mOhana kANe shrIranganu akka karadare Odi bAha tAnu

akka bAra purandara viTTalanu akka bhakutarige sikki bAhanu

***