ಕೃಷ್ಣನ ಭಜಿಪಗೆ ಮುಕುತಿಲ್ಲೆಂಬೋ purandara vittala

ರಾಗ ಧನಶ್ರೀ ಲಾವಣಿಧಾಟಿ

ಕೃಷ್ಣನ ಭಜಿಪಗೆ ಮುಕುತಿಲ್ಲೆಂಬೋ
ಭ್ರಷ್ಟನ ಬಾಯೊಳಗೊಂದು ಕೆರ ||ಪ||
ನಿಷ್ಠೆಯೊಳ್ ಹರಿದಾಸರ ಸೇವಿಸದ ಕ-
ನಿಷ್ಠನ ಬಾಯೊಳಗೊಂದು ಕೆರ ||ಅ||

ನರಹರಿಮಹಿಮೆಯ ಸುಳ್ಳೆಂತೆಂಬುವ ನರನ ಬಾಯೊಳಗೊಂದು ಕೆರ
ಪರಿಪರಿಯಿಂದಲಿ ಕುಹಕವನಾಡುವ ದುರುಳನ ಬಾಯೊಳಗೊಂದು ಕೆರ
ಹರಿಸರ್ವೋತ್ತಮನೆಂದು ತಿಳಿಯದಹಂಕಾರಿಯ ಬಾಯೊಳಗೊಂದು ಕೆರ
ದುರುಳನಾಗಿ ಹರಿಶರಣರ ಸೇರದೆ ಮೆರೆವನ ಬಾಯೊಳಗೊಂದು ಕೆರ ||

ಶ್ರುತಿಶಾಸ್ತ್ರಗಳು ಸುಳ್ಳೆಂತೆಂಬುವ ಶುನಕನ ಬಾಯೊಳಗೊಂದು ಕೆರ
ಮತಿಯಿಲ್ಲದೆ ಮದನನಯ್ಯಗೆ ದ್ರೋಹವ ಮಾಳ್ಪನ ಬಾಯೊಳಗೊಂದು ಕೆರ
ಗತಿ ನೀನೆ ಹರಿಯೆಂತಿರುವರ ಕಂಡು ಕಾಡುವನ ಬಾಯೊಳಗೊಂದು ಕೆರ
ಅತಿಹರುಷದಿ ಹರಿಕಥೆ ಪೇಳ್ವಲ್ಲಿ ಅಡ್ಡಿಪೇಳ್ವನ ಬಾಯೊಳಗೊಂದು ಕೆರ ||

ನಾನೇ ದೇವರು ಎಂದು ಕುಣಿವ ಬಲುಹೀನನ ಬಾಯೊಳಗೊಂದು ಕೆರ
ಮಾನಿತರಾದರ ಹಿಂದು ಮುಂದಾಡುವ ಕೋಣನ ಬಾಯೊಳಗೊಂದು ಕೆರ
ನಾನಾ ಪರಿಯಲಿ ನಡತೆಹೀನನಾಗಿ ನಡೆವನ ಬಾಯೊಳಗೊಂದು ಕೆರ
ಗಾನಲೋಲ ನಮ್ಮ ಪುರಂದರವಿಠಲನ ನೆನೆಯದ (/ಕಾಣದನ ) ಬಾಯೊಳಗೊಂದು ಕೆರ ||
***

pallavi

krSNana bhajipage mukutillembO bhraSTana bAyoLagondu kera

anupallavi

niSTeyoL haridAsara sEvisada kaniSThana bAyoLgondu kera

caraNam 1

narahari mahimeya suLLendembuva narana bAyiyoLagondu kera

paripariyindali guhakavanADuva duruLana bAyoLagondu kera

hari sarvOttamanendu tiLiyadahankAriya bAyoLagondu kera

duruLanAgi hari sharaNava sErade merevana bAyoLgondu kera

caraNam 2

shruti shAstragaLu suLLendembuva shunakana bAyoLagondu kera

matiyillade madananayyage drOhava mALpana bAyoLagondu kera

gati nIne hiriyentiruvara kaNDu kADuvana bAyoLagondu kera

ati haruSadi harikathe pELvalli aDDi pELvana bAyoLagondu kera

caraNam 3

nAnE dEvaru endu kuNiva balu hInana bAyoLagondu kera

mAnitarAdara hindu mundADuva kONana bAyoLagondu kera

gAnalOla namma purandara viTTalana neneyada bAyoLagondu kera

***