ಶ್ರೀಪಾದರಾಜ ಸಂದರ್ಶನದಿ ಸಕಲ others sripadaraya stutih

ಶ್ರೀಪಾದರಾಜ ಸಂದರ್ಶನದಿ ಸಕಲ |ಸಂತಾಪಗಳು ಕಳೆದವಿಂದು || ಪ ||

ತಾಪಸೋತ್ತಮರಿವರು ಇಹ ಪರಗಳಲ್ಲಮ್ಮ |ಕಾಪಾಡುತಿರುವರೆಂದು || ಅ.ಪ. ||

ಸ್ವರ್ಣವರ್ಣರ ಕುವರ ಜ್ಞಾನ ಭಕ್ತಿಗಳಿಂದ |ಪೂರ್ಣರಿದ್ದರು ಲೋಕದಿ |
ಸ್ವರ್ಣಾಕ್ಷರಗಳಿಂದ ಬರೆಯುವಂತಹ ಶಾಸ್ತ್ರ |ನಿರ್ಣಯಗಳಿತ್ತರಿವರು || ೧ ||1

ಮಂಗಳಾತ್ಮಕ ನಮ್ಮ ರಂಗವಿಠಲ ಕೃಪಾ |ಪಾಂಗ ಪಾತ್ರರು ಪೂಜ್ಯರು |
ಕಂಗಳಿಗೆ ಹಬ್ಬವಿದು ಮಂಗಳಕೆ ಸಾಧನವು |ಹಿಂಗಿತೆಮ್ಮಯ ಕೊರತೆಯು || ೨ ||

ಜ್ಞಾನ ಭಂಡಾರವನು ಲೋಕಕೀಯಲು ಶುದ್ಧ |ಮಾನಸ ಪ್ರಸನ್ನರಿವರು |
ಮೌನಿವರ ವ್ಯಾಸತೀರ್ಥರಲಿ ಪರಮಾದರದಿ |ಜ್ಞಾನ ಧಾರೆಯ ಕರೆದರು || ೩ ||
******