ಚಿಂತನೆ ಮಾಡು ಮನವೆ vijaya vittala suladi ಅಜಾದಿ ಸುಳಾದಿ CHINTANE MAADU MANAVE AAJAADI SULADI

Audio by Mrs. Nandini Sripad

ಶ್ರೀ ವಿಜಯದಾಸಾರ್ಯ ಕೃತ  ಅಜಾದಿ ಸುಳಾದಿ 

( 51 ಅಕ್ಷರಗಳ ವಿವರ , ಅಲ್ಲಿಪ್ಪ ಹರಿರೂಪ )

 ರಾಗ ರೇವಗುಪ್ತಿ 

 ಧ್ರುವತಾಳ 

ಚಿಂತನೆ ಮಾಡು ಮನವೆ ಚಿನ್ಮಯದೇವನ್ನ ಏ |

ಕಾಂತದಲಿಯಿದ್ದು ಎಲ್ಲಕಾಲ |

ಸಂತರ ಒಡಗೂಡಿ ಸಾರಿಸಾರಿಗೆ ನಿನ್ನ |

ಅಂತರಂಗದಲ್ಲಿ ಆಲೋಚಿಸಿ |

ನಿಂತಲ್ಲಿ ಕುಳಿತಲ್ಲಿ ನಾನಾ ವ್ಯಾಪಾರದಲ್ಲಿ |

ಚಿಂತಿಸು ಶ್ರೀಹರಿಯಾನಂತ ರೂಪ |

ಇಂತೆಂತು ನೋಡಿದರದರಂತೆ ತೊರುತಲಿಪ್ಪ |

ಮಂತ್ರ ತಂತ್ರಕ್ಕೆ ಶಿಲುಕನು ಭಕ್ತಿಗೊಶನೊ |

ಸಂತತ ನಿರ್ದೋಷ ಭಕ್ತವತ್ಸಲ ಕರುಣಿ |

ಅಂತಕನಂತಕವು ಉಭಯ ಜೀವಿಗಳಿಗೆ |

ಸಂತೋಷದಲಿ ಚರಿಯಾ ಮಾತ್ರ ಲೀಲಾ |

ಕಂತುಕೋಟಿ ಲಾವಣ್ಯಮಿಗೆ ಶೋಭಿಸುವ ಆ |

ದ್ಯಂತ ಕಾಲರಹಿತ ತ್ರಿಗುಣಾತೀತ |

ಸಂತಾಪನಾಶ ಒಂದಾರಂಭಿಸಿಕೊಂಡು |

ನಂತ ಸೂರ್ಯಪ್ರಕಾಶ ತರತಮ್ಯದಿ |

ತಂತುನಾಳದಿಂದ ದಿಗ್ದಂತಿ ಬಿಡಿಸಿಕೊಂಡು |

ನಿಂತಂತೆ ನಿಂತುಕೊಂಡಿಪ್ಪ ಮಹಿಮ |

ಎಂತು ಭಾವಿಸಲು ಉಪಾಸ್ತಿಯ ಕೊಡುವ ಶ್ರೀ |

ಕಾಂತನು ಪ್ರಸಿದ್ಧದಿಂದ ತಾನೆ |

ಚಿಂತಾಯಕ ನಮ್ಮ ವಿಜಯವಿಠ್ಠಲರೇಯ |

ಮುಂತಿ (ತೆ) ನಲಿದಾಡುವ ಭಾಗ್ಯವ ಬೇಡು ನೋಡು ॥ 1 ॥

 ಮಟ್ಟತಾಳ 

ಕಾ ಮೊದಲು ಕ್ಷಾ ಕಡೆ ಮೂವತ್ತೈದು |

ಈ ಮಹವರ್ಣಗಳು ಇದರ ವಿವರ ತಿಳಿವದು |

ಆ ಮರಿಯಾದಿಗಳು ಪದಿನಾರು ಉಂಟು |

ವ್ಯೋಮ ವ್ಯಾಪಿಸಿದಂತೆ ಸರ್ವದ ವರ್ಣಗಳು |

ಸಾಮಸ್ತ ಬಗೆಯಿಂದ ವ್ಯಾಪ್ತವಾಗಿವೆ ನೋಡಿ |

ಸಾಮ ಮಿಗಿಲಾದ ಶಾಸ್ತ್ರ ವೈದಿಕ ಶಬ್ದ |

ಭೂಮಿಯೊಳಗಾಡುವ ಲೌಕಿಕ ಶಬ್ದಗಳು |

ಈ ಮಹವರ್ಣದಲಿ ಪ್ರವರ್ತಕವಲ್ಲದಲೆ |

ಕಾಮಿಸಿದರೆ ಒಂದು ಪ್ರಯೋಗ(ಜನ) ವಿನ್ನಿಲ್ಲ |

ಭೂಮ ಭೂತೇಶ್ವೇರ ವಿಜಯವಿಠಲರೇಯನ 

ನಾಮಮೂರ್ತಿಗಳೆಂದು ಚಿಂತಿಸು ಪ್ರಣವದಲ್ಲಿ ॥ 2 ॥

 ತ್ರಿವಿಡಿತಾಳ 

ಕಾ ವಂದು ಗುಣಿಸಿದರೆ ಹದಿನಾರು ಬಗೆವುಂಟು |

ಆವಾವ ಕಾಲಕ್ಕೆ ನೋಡಿದರು |

ಭಾವಿಸು ಕ ಕಿ ಕು ಕೆ ಕೈ ಕೊ ಕೌ ಕಂ |

ಈ ವಿಧ ಹ್ರಸ್ವ ಯಿದರಂತೆ ದೀರ್ಘ |

ಯಾವತ್ತು ಈ ಪರಿ ಯಿದರಂತೆ ನಿಜವೆಂದು

ಕೋವಿದನಾಗಿ ನೀ ತಿಳಿಯಬೇಕು |

ಕಾ ವರಣದ ರೂಪದಿ ಕಪಿಲಾದಿ ಹದಿನಾರು |

ಈ ಒಳಗಿನ ಹದಿನಾರು ರೂಪ |

ದೇವನ್ನ ನಾಮಗಳು ಅಜಾದಿಗಳ ಸಂಖ್ಯ |

ಮೂವತ್ತೆರೆಡು ಭಗವದ್ರೂಪಗಳು |

ಪಾವನ ಮೂರುತಿ ವಿಜಯವಿಠ್ಠಲರೇಯ |

ಆವಾಗ ವರ್ಣಾಧಿಷ್ಟಾನದಲ್ಲಿಯಿಪ್ಪ ॥ 3 ॥

 ಅಟ್ಟತಾಳ 

ಇದರ ವಿಹಿತವೊಂದು ವರಣಕ್ಕೆ |

ಅದರಂತೆ ಕ ಚ ಟ ತ ಪ ಯ ಶ ವ |

ರ್ಗದಲಿ ಯೆಣಿಸಿ ಕ ಷ ಮಿಳಿತವಾದ |

ಇದನ್ನೆಲ್ಲ ಕೂಡಿಸಿ ಪಂಚತ್ರಿಂಶತಿ ಯಾ -

ದದು ಕಾಣೊ ಇದರೊಳು ಅ ಆ ಇ ವುಂ ಎಂಬ |

ಹದಿನಾರು ಇಡಲಾಗಿ ಕ ಅಃ ವಾಹೆದು |

ಇದನ್ನೆಲ್ಲ ವೊಂದೊಂದು ಏಕಾಕ್ಷರದಿಂದ |

ಪದುಮನಾಭನು ಕರಸಿಕೊಂಬನು ಕೇಳಿ |

ಆದೆ ಆದೆ ನಾಮ ಮತ್ತದೆ ಅದೆ ರೂಪದಿ |

ಒದಗಿ ಎಣಿಸಲಾಗಿ ಮೂವತ್ತೆರೆಡು ನಾಮ |

ಸದಮಲವಾಗಿವೆ ಅರವತ್ತು ನಾಲಕು |

ಮೊದಲಾರಂಭಿಸಿ ಮೂವತ್ತೈದಕ್ಕೆ ನೋಡು |

ಮುದದಿಂದ ಗುಣಿಸಲು ವೊಂದೊಂದು ವರ್ಣಕ್ಕೆ 

ಅದೆ ಪ್ರಕಾರದಲಿ ಅರವತ್ತು ನಾಲ್ಕುವುಂಟು |

ಅಧಿಕಾರತನ ಭೇದ ಧ್ಯಾನ ಮಾಡುವುದಕ್ಕೆ |

ಪದುಮಗರ್ಭನಯ್ಯ ವಿಜಯವಿಠ್ಠಲರೇಯ |

ಪದವಿಯ ಕೊಡುವನು ಈ ಪರಿ ಕೊಂಡಾಡೆ ॥ 4 ॥

 ಆದಿತಾಳ 

ಆವನಾದರು ಹಳಿಯಲಿ ಉಗುಳಲಿ |

ಆವನಾದರು ಬೈಯ್ಯಲಿ ಕಾಯಲಿ |

ಆವನಾದರು ಹೊಡೆಯಲಿ ತಡೆಯಲಿ |

ಆವನಾದರು ಪೊಗಳಲಿ ಅಟ್ಟಲಿ |

ಆವನಾದರು ಉಣಿಸಲಿ ಉಡಿಸಲಿ |

ಆವನಾದರು ಛೀ ಛೀ ಎನಲಿ |

ಆವನಾದರು ಥೂ ಥೂ ಯೆನಲಿ ಆವನಾದರು ಭಂಗಿಸಲಿ ಮ |

ತ್ತಾವನಾದರು ಹಂಗಿಸಲಿ |

ಆವನಾದರು ಯೇನೇನಲಿ |

ಆವನಾದರೋ ಈ ವರ್ಣಗಳು ಭಗವನ್ನಾಮಗಳೊ |

ಜೀವನ ಮುಕ್ತನು ಈ ವಿಧದಿ ತಿಳಿದವನು |

ನೋವು ನೋವುಗಳಲ್ಲಿ ಪಾವನವಾದ ಭಕುತಿಯಲಿ ಸ್ವ |

ಭಾವಿತ ನೀನಾಗೊ ಜ್ಞಾನಿ ನೀನಾಗೊ |

ಯಾವತ್ತು ಇಂದ್ರಿಯಗಳ ವ್ಯಾಪಾರ ಸೇವೆ ಶ್ರೀಹರಿಗೆನ್ನು |

ತ್ರೈವಿಧ ಜೀವರು ಇದನೆ ತೊರೆದು ಮ |

ತ್ತಾವದು ಆಡುವರೊ ವರ್ಣಗಳಿಲ್ಲದಲೆ |

ದೇವ ದೇವೇಶನ್ನ ಒಲಿಸಬೇಕಾದರೆ |

ಈ ಉಪಾಯವ ಬೇಕು ಎಲ್ಲಿದ್ದರು ಕೇಳು |

ಕಾವ ಜನಕ ನಮ್ಮ ವಿಜಯವಿಠ್ಠಲರೇಯ |

ಆವಾವ ವರ್ಣಗಳಂತೆ ಒಳಗಿದ್ದು |

ಕಾವನು ಶರಣರನು ಒಡನೊಡನೆ ಬರುವ ॥ 5 ॥

 ಜತೆ 

ಅಕ್ಷರಾಕ್ಷರದಿಂದ ಭಗವನ್ನಾಮವೆ ಚಿಂತಿಸು |

ಅಕ್ಷರ ಕ್ಷರ ಪುರುಷ ವಿಜಯವಿಠ್ಠಲ ಸುಳಿವ ॥

************