ಲಾಲಿ ಲಾಲಿ ರಂಗಯ್ಯಗೆ ಕೃಷ್ಣಯ್ಯಗೆ ಲಾಲಿ ಲಾಲಿ purandara vittala

ರಾಗ ಕೇದಾರಗೌಳ. ಅಟ ತಾಳ 

ಲಾಲಿ ಲಾಲಿ ರಂಗಯ್ಯಗೆ ( / ಕೃಷ್ಣಯ್ಯಗೆ) ಲಾಲಿ ಲಾಲಿ ||ಪ||

ಗೋಕುಲದಲಿ ಪುಟ್ಟಿದವನಿಗೆ ಲಾಲಿ
ಗೋವುಗಳನು ನೆರೆ ಕಾಯ್ದವಗೆ ಲಾಲಿ
ಗೋವರ್ಗಳ ಜಗಪಿತನಿಗೆ ಲಾಲಿ
ಗೋವಿಂದ ಪರಮ ವಿನೋದಿಗೆ ಲಾಲಿ ||

ಗಗನವ ಮುರಿಯಲೊದ್ದವನಿಗೆ ಲಾಲಿ
ನಿಗಮವ ತಂದಿತ್ತವನಿಗೆ ಲಾಲಿ
ಹಗೆಯ ತೊಟ್ಟು ಕೊಂದವನಿಗೆ ಲಾಲಿ
ಜಗವನುದರದಿ ಧರಿಸಿದವನಿಗೆ ಲಾಲಿ ||

ನಖದಲಿ ಗಂಗೆಯ ಪಡೆದವಂಗೆ ಲಾಲಿ
ಶಕಟನ ಮುರಿದಿಟ್ಟವನಿಗೆ ಲಾಲಿ
ನಿಖಿಲ ದೈತ್ಯದಲ್ಲಣನಿಗೆ ಲಾಲಿ
ರುಕುಮಿಣೀಶ ಸುರವಂದಿತಗೆ ಲಾಲಿ ||

ಬೆಟ್ಟಿಲಿ ಬೆಟ್ಟವ ಹೊತ್ತವಗೆ ಲಾಲಿ
ಜಟ್ಟಿಗಳನು ತರಿದೊಟ್ಟಿದವಗೆ ಲಾಲಿ
ಮೆಟ್ಟಿ ಭೂಮಿಯನಳೆದವಗೆ ಲಾಲಿ
ಕಟ್ಟುಗ್ರ ಶ್ರೀ ನರಸಿಂಹಗೆ ಲಾಲಿ ||

ಶರಧಿಗೆ ಸೇತು ಕಟ್ಟಿದವಗೆ ಲಾಲಿ
ಸುರರ ಸೆರೆಯ ಬಿಡಿಸಿದಾತಗೆ ಲಾಲಿ
ಕರಿ ಮೊರೆಯಿಡಲೊದಗಿದವಗೆ ಲಾಲಿ
ವರದ ಪುರಂದರವಿಠಲಗೆ ಲಾಲಿ ||
***

pallavi

lAli lAli rangayyage lAli lAli

caraNam 1

gOkuladali puttidavanige lli gOvugaLanu nere kAidavage lAli

kOvargaLa jagapitanige lAli gOvinda parama vinOdige lAli

caraNam 2

gaganava muriyalottavanige lAli nigamava tandittavanige lAli

hageyadoTTu kondavanige lAli jagavanudaradi dharisidavanige lAli

caraNam 3

nakhadali gangeya paDedavange lAli shakaTana muridiTTavanige lAli

nikhila daityadallaNannige lAli rukumiNIya suravanditage lAli

caraNam 4

beTTilibeTTava hottavage lAli jaTTigaLanu taridoTTidavage lAli

meTTi bhUmiyanadeLade lAli kaTTUgra shrI narasimahage lAli

caraNam 5

sharadhige sEtu kaTTidavage lAli surara sereya biDisidAtage lAli

kari moreyiDalodagidavage lAli varada purandara viTTalage lAli

***