ವಿಧಿನಿಷೇಧ ನಿನ್ನವರಿಗೆಂತೋ ಹರಿಯೆ purandara vittala

ರಾಗ ಮುಖಾರಿ ಆದಿತಾಳ

ವಿಧಿನಿಷೇಧ ನಿನ್ನವರಿಗೆಂತೋ ಹರಿಯೆ ||
ವಿಧಿ ನಿನ್ನ ಸ್ಮರಣೆ ನಿಷೇಧ ವಿಸ್ಮೃತಿಯೆಂಬ
ವಿಧಿಯನೊಂದನು ಬಲ್ಲವಗಲ್ಲದೆ ||ಪ||

ಮಿಂದದ್ದೆ ಗಂಗಾದಿ ಪುಣ್ಯ ತೀರ್ಥಂಗಳು
ಬಂದದ್ದೆ ಪುಣ್ಯಕಾಲ ಸಾಧುಜನರು
ನಿಂದದ್ದೆ ಗಯಾ ವಾರಾಣಸಿ ಕುರುಕ್ಷೇತ್ರ
ಸಂದೇಹವಿಲ್ಲ ಮದ್ದಾನೆ ಪೋದುದೆ ಬೀದಿ ||

ನಡೆದದ್ದೆಲ್ಲವು ಲಕ್ಷ ಪ್ರದಕ್ಷಿಣೆ
ನುಡಿದದ್ದೆಲ್ಲ ಗಾಯತ್ರಿಮಂತ್ರಗಳು
ಕುಡಿವೋದೆಲ್ಲವು ಯಜ್ಞ್ಯಾದಿ ಹೋಮದ್ರವ್ಯ
ದೃಢಭಕ್ತರೇನು ಮಾಡಿದರದೆ ಮರಿಯಾದೆ ||

ಕಂಡದ್ದೆ ವಿಶ್ವಾದಿ ಮೂರ್ತಿಗಳು ಭೂ-
ಮಂಡಲದಿ ಶಯನವೇ ನಮಸ್ಕಾರ
ತಂಡತಂಡ ಕ್ರಿಯೆಗಳು ಹರಿಪೂಜೆ
ತೊಂಡರಾಗಿ ಬಿದ್ದಿಹ ಭಾಗವತರಿಗೆ ||

ಕೆಟ್ಟು ಹೋಗುವದು ಸಂಚಿತಾಗಾಮಿ
ಸುಟ್ಟು ಹೋಗುವುದು ಪಾಪಕರ್ಮಗಳು
ನಷ್ಟವಾದ ಪ್ರಾರಬ್ದ ಮೀರಿದ ಸೇವೆ
ಮೆಟ್ಟಿದ ಪಟ್ಟಣವೆಂಬೋ ಓಲಾಯಿತು ||

ಎಲ್ಲಿ ನೋಡಿದರಲ್ಲಿ ಪ್ರಾಯೋಪವೇಶ ಮ-
ತ್ತೆಲ್ಲಿ ನೋಡಿದರಲ್ಲಿ ಸಮಾಧಿ
ಎಲ್ಲೆಲ್ಲು ಪುರಂದರವಿಠಲನ ನಾಮವು
ಬಲ್ಲವಗಲ್ಲದೆ ಪಾಪಪುಣ್ಯಾದಲ್ಲೋ 
***

pallavi

vidhi niSEda ninnavarigentO hariye

anupallavi

vidhi ninna smaraNe niSEda vismrtiyemba vidhiya nondanu ballavagallade

caraNam 1

mindadde gangAdi puNya tIrttangaLu bandadde puNyakAla sAdhu janaru

nindadde gayA vArANasi kurukSEtra sandEhavilla maddAne pOdude bIdi

caraNam 2

naDeddellavu lakSa pradakSiNe nuDidaddella gAyatri mantragaLu

kuDivOdellavu yajnyAdi hOma dravya drDha bhaktarEnu mADidarade mariyAde

caraNam 3

kaNDadde vishvAdi mUrtigaLu bhUmaNDaladi shayanavE namaskAra

daNDa daNDa kriyegaLu hari pUje toNDarAgi biddiha bhAgavatarige

caraNam 4

keTTu hOguvadu sancitAgAmi suTTu hOguvudu pApa karmagaLu

naSTavArada prArabda mIrada sEve meTTida paTTaNavembavOlAyitu

caraNam 5

elli nODidaralli prAyOpavEsha mattelli nODidaralli samAdhi

ellellu purandara viTTalana nAmavu ballavagallade pApa puNyadallO

***