ಬಿಡದೆ ಭಜಿಸಿ ಬೊಮ್ಮ ಮೃಡ ಮುಖ್ಯ ಸುರರಿಗೆ ankita hayavadana BIDADE BHAJISI BOMMA MRUDA MUKHYA SURARIGE

 

ಬಿಡದೆ ಭಜಿಸಿ ಬೊಮ್ಮ ಮೃಡ ಮುಖ್ಯ ಸುರರಿಗೆ

ಒಡೆಯನೆನಿಪ ಮುದ್ದು ಉಡುಪಿಯ ಕೃಷ್ಣ ||ಪ||

ಪೊಡವಿಯೊಳಗೆ ತನ್ನ ಅಡಿಗಳ ಧೇನಿಪ-

ರಡಿಗಡಿಗವರ ವಾಂಛಿತ ವಸ್ತುವ

ಕಡೆದು ಕೊಡುವೆನೆಂದು ಕಡೆಗೋಲ ನೇಣನೆ

ಪಿಡಿದಿಹ ಸಿರಿಯರಾ ದೃಢಕೆ ಮೆಚ್ಚಿದನ ||೧||

ಹರಿಸರ್ವೋತ್ತಮನೆಂಬೊ ಪರಮ ಸಿದ್ಧಾಂತಕ್ಕೆ ಮ-

ಚ್ಚರಿಸುವ ಕುಮತದ ಕುಜನರ

ಭರದಿ ಬಂಧಿಸಿ ಬನ್ನಂಬಡಿದು ಶಿಕ್ಷಿಪೆನೆಂದು

ವರಪಾಶದಂಡಧಾರಿಯಾಗಿ ತೋರಿಪ್ಪನ ||೨||

ಭಕ್ತವತ್ಸಲನೆಂಬೊ ಸುಲಭೋಕ್ತಿಯನು ಬುಧ

ನಿಕರಕ್ಕೆ ಪೇಳಲು ದ್ವಾರಕಾಪುರಿಯಿಂ

ಸುಖತೀರ್ಥಮುನಿಗೆ ಸುಖಕರನಾಗಿ ಬಂದ

ಅಕುಟಿಲ ಕೃಷ್ಣ ಹಯವದನರಾಯನ ||೩||

***

biDade bhajisi bomma mRuDa mukhya surarige

oDeyanenipa muddu uDupiya kRuShNa ||pa||

poDaviyoLage tanna aDigaLa dhEnipa-

raDigaDigavara vaaMCita vastuva

kaDedu koDuveneMdu kaDegOla nENane

piDidiha siriyaraa dRuDhake mechchidana ||1||

harisarvOttamaneMbo parama siddhaaMtakke ma-

chcharisuva kumatada kujanara

bharadi baMdhisi bannaMbaDidu shikShipeneMdu

varapaashadaMDadhaariyaagi tOrippana ||2||

bhaktavatsalaneMbo sulabhOktiyanu budha

nikarakke pELalu dwaarakaapuriyiM

sukhatIrthamunige sukhakaranaagi baMda

akuTila kRuShNa hayavadanaraayana ||3||

***