ಮುತ್ತಿಗಿ ಶ್ರೀ ಸ್ವಾಮಿರಾಯಾಚಾರ್ಯರ ಕೃತಿ
ಶ್ರೀ ರಘುಪ್ರೇಮ ತೀರ್ಥರ ಪೂರ್ವಾಶ್ರಮ ಪುತ್ರರು
ಶ್ರೀರಘುಪ್ರೇಮತೀರ್ಥರ ಚಾರು
ಚರಣವ |
ಬಾರಿಬಾರಿಗೆ ನಮಿಸಿ ಓಲೈಸುವೆ
|| ಪ. ||
ಮಾರಮಣನು ತನ್ನ ನಿಜದಾರಿ ತೋರೆಂದು |
ಧಾರುಣಿಗೆ ಕಳುಹಿದನು ಮಹಿಮಹಿಮರ
|| ಅ. ಪ. ||
ಹಿಂದಿನಾಶ್ರಮದ ಸತ್ಕರ್ಮಗಳನ್ನು ಬಿಡದೆ |
ಇಂದಿರೇಶನ ಧ್ಯಾನದಿಂದ ಮಾಡಿ ||
ಮಂದಮತಿಗಳ ಮನದ ಸಂದೇಹಗಳ್ಹರಿಸಿ |
ಮುಂದೆ ಮಾರ್ಗವ ತೋರಿ ಬಂಧವ ಬಿಡಿಸುವ
|| ೧ ||
ಹದಿನೆಂಟು ನೂರು ನಾಲ್ವತ್ತೆರಡನೇ ರೌದ್ರಿ |
ಅಧಿಕ ಶ್ರಾವಣ ಕೃಷ್ಣ ಷಷ್ಟಿ ಶುಕ್ರವಾರ ||
ಮುದದಿ ತುರ್ಯಾಶ್ರಮ ಸ್ವೀಕರಿಸುತ ಮಠ |
ಭೇದವಿಲ್ಲದಲೇ ತಪ್ತಮುದ್ರಾಗಳ್ಕೋಟ್ಟರೆಂಬೋ
|| ೨ ||
ದುಷ್ಟ ಮೋಹವ ತ್ಯಜಿಸಿ ವಿಷಯದಾಸೆಯ ಹಿರಿಸಿ | ಸೃಷ್ಟಿ ಸ್ಥಿತಿಗಾದಿ ಕಾರಣನಾದ ಜಗದೀ ||
ಶ್ರೇಷ್ಠ ಮೂರುತಿಯಾದ ರಘುರಾಮ ವಿಠಲ ನ | ನಿಷ್ಠೆಯಲಿ ಭಜಿಸಿ ಕರುಣವ ಪಡೆದಂಥಾ
|| ೩ ||
***
No comments:
Post a Comment