ಸರಸಿಜನಾಭ ಶ್ರೀಹರಿಪಾದಕಾರತಿಯ ಬೆಳಗಿರೆ ankita kamalanabha vittala

 ..

kruti by Nidaguruki Jeevubai

ಸರಸಿಜನಾಭ ಶ್ರೀಹರಿಪಾದಕಾರತಿಯ ಬೆಳಗಿರೆ ಪ

ವಸುದೇವ ಸುತನೆಂದೆನಿಸಿ

ಅಸುರೆ ಪೂತನಿಯ ಸಂಹರಿಸಿ ಆನಂದ ಸುರಿಸಿ

ಕಾಳಿಮಡುವ ಧುಮುಕಿ ಫಣಿಯ

ಮೇಲೆ ನಾಟ್ಯವನಾಡಿದವಗೆ

ಸನಕಾದಿ ನಾರದ ಮುನಿವಂದ್ಯಗೆ

ಸುರ ರಮಣಿಯರು ಹರುಷದಿ 1

ಮಧುರೇಲಿ ಜನಿಸಿದವಗೆ

ಮಾವಕಂಸನ ತರಿದವಗೆ ಮಧುವೈರಿಹರಿಗೆ

ಮುರಳಿನಾದಗೈದು ಸ್ತ್ರೀಯರ

ಮರುಳುಗೊಳಿಸಿ ಆಡಿದವಗೆ

ಮುರವೈರಿ ಹರಿ ಮುಚುಕುಂದ

ವರದನ ಪಾಡುತಲಿ ಮುದದಲಿ2

ಗೋಪಾಲರೊಡಗೂಡುತಲಿ

ಗೋವರ್ಧನವೆತ್ತಿದವಗೆ ಗೋವಿಂದ ಹರಿಗೆ

ಗೋಪಿಯರ ಮನೆಯ ಪೊಕ್ಕು

ಬೇಕೆನ್ನುತ ಪಾಲ್ಬೆಣ್ಣೆ ಸವಿದ

ಶ್ರೀಕಾಂತ ಕಮಲನಾಭ ವಿಠ್ಠಲನಿಗೆಸುದತಿಯರು ತ್ವರಿತದಿ 3

***