ಎದ್ದು ಬಾರೊ ಯೆನ್ನ ಮುದ್ದು ಕಂದಯ್ಯ ankita srinivasa vittala

 ರಾಗ - : ತಾಳ - 

ಎದ್ದು ಬಾರೊ ಯೆನ್ನ ಮುದ್ದು ಕಂದಯ್ಯ ll ಪ ll

ಬಾ ಮುದ್ದು ಕಂದ ಸುಜನಾನಂದ l

ಸಿಂಧುಶಯನ ಗೋವಿಂದ ll 1 ll

ಕಡಲಶಯನ ಮಿಂದು ಮಡಿಯನುಟ್ಟಿಹೆನು l

ಕಡದ ಬೆಣ್ಣೆಯನ್ನೆಲ್ಲಾ ಕೊಡುವೆನು ll 2 ll

ಚಿನ್ನದ ಬಟ್ಟಲೊಳು ಬೆಣ್ಣೆ ಸಕ್ಕರೆ ಪಾಲು l

ಅಣ್ಣ ನಿನಗೆ ಉಣ್ಣಿಸುವೆನು ll 3 ll

ರಂಗಯ್ಯ ನಿನ್ನ ದಿವ್ಯಾಂಗಕ್ಕೆ ಹೂವ್ವಿನ l

ಅಂಗಿ ತೊಡಿಸಿ ಶೃಂಗರಿಸುವೆನು ll 4 ll

ಕೃಷ್ಣಯ್ಯ ನಿನ್ನಯ ಪುಟ್ಟಪಾದಗಳಿಂದ l

ತಟ್ಟಡಿ ಇಡುವದು ನೋಡೇನೈ ll 5 ll

ಸುಮ್ಮನೆ ಬಾರೆಂದು ಕರೆದರೆ ಬಾರದಿರೆ l

ಗುಮ್ಮನ ಕರೆತಂದು ತೋರಿಸುವೆ ll 6 ll

ಯೇನೆಂದು ವರ್ಣಿಸಲೊ ಶ್ರೀನಿವಾಸವಿಟ್ಠಲನೆ l

ನೀನೆ ಕರುಣಿಸಿ ಬೇಗದಿ ಬಾರೊ ll 7 ll

***