varadendra teertha rayara mutt yati 1785 stutih
ರಾಗ : ಆನಂದಭೈರವಿ ತಾಳ : ರೂಪಕ
ಹಿಂದಿನ ಸುಕರ್ಮವೇಸು ।
ಬಂದೊದಗಿದವೊ । ವರ ।
ದೇಂದ್ರರಾಯ ಬಂದ ನಮ್ಮ ।
ಮಂದಿರಕಿಂದು ।। ಪಲ್ಲವಿ ।।
ಮುತ್ತಿನ ಅಂದಣದೊಳು ।
ಸತ್ತಿಗಿ ನೆರಳಲಿ । ಪ್ರ ।
ಶಸ್ತವಾಗಿ ವೇದಶಾಸ್ತ್ರ ।
ವೊತ್ತಿವೊಂದುವ ।।
ಉತ್ತಮ ಬುಧರ ಕೂಡ ।
ಭೃತ್ಯರ ಸಂಗಡ ಬಹು ।
ಹತ್ತೆಂಟು ಬಿರುದಾವಳಿ -
ಯುಕ್ತ ಬಂದರು ।। ಚರಣ ।।
ತಂಡತಂಡಕ್ಕೆ ಜನರು ।
ಹಿಂಡುಗೂಡಿ ಫಲಗಳ ।
ಕೊಂಡು ಬಂದು ಮಾಡುವರು ।
ದಂಡ ಪ್ರಣಾಮ ।।
ಪಂಡಿತಾಗ್ರಗಣ್ಯರು । ಭೂ ।
ಮಂಡಲದೊಳಾಗ ಶ್ರೀಯಾ ।
ಖಂಡಲನಂತೆ ತೋರ್ವ । ಕ ।
ಮಂಡಲಧರ ।। ಚರಣ ।।
ಶ್ರೀಕರ ಪ್ರಾಣೇಶವಿಠಲ-
ನೇಕಾಂತದಿ ಬಲಿಸುವಲ್ಲಿ ।
ಈ ಕುಂಭಿಣಿಯೊಳಗೀತ -
ಗೆ ಕಾಣೆನೀಡ ।।
ನೀ ಕಾಯಬೇಕೆಂದವರ ।
ಶೋಕವ ಪರಿಹರಿಸಿ ।
ಜೋಕೆ ಮಾಡುವ ನಿತ್ಯ । ದೇ ।
ಶಿಕ ಕುಲಪತಿ ।। ಚರಣ ।।
****
No comments:
Post a Comment