ಏನು ಮಾಡುವುದಿಲ್ಲವಮ್ಮ ನಾನಂತು purandara vittala

ರಾಗ ರೇಗುಪ್ತಿ. ಝಂಪೆ ತಾಳ

ಏನು ಮಾಡುವುದಿಲ್ಲವಮ್ಮ
ನಾನಂತು ನೋಡುವುದಿಲ್ಲವಮ್ಮ ||ಪ||
ನಾನು ಗೋಪರಿಗಾಗಿ ಮನೆಮನೆ ಸುಳಿದರೆ
ಮಾನಿನೀರೆಲ್ಲರು ದೂರುಮಾಡುತೈದಾರೆ ||ಅ||

ಕಣ್ಣುಮುಚ್ಚಾಟಕೆ ನಾನು ಅವರ
ಬಣ್ಣದ ಸೀರೆಯಲ್ಲಡಗಿದೆನು
ಸಣ್ಣವಣಾಟಕ್ಕೆ ನವನೀತ ಮೆದ್ದರೆ
ಬೆಣ್ಣೆಕಳ್ಳನೆಂದು ಬಾಯಿ ಮಾಡುತೈದಾರೆ ||

ವಿಷದ ಚಳಿಗಂಜಿ ಯಶೋದೆ, ನಾ
ಬೆದರಿ ಸೆರಗನೆ ಪಿಡಿದೆ
ಕುಸುರದ ಚೆಂಡೆಂತ ಕುಚಗಳ ಪಿಡಿದರೆ
ಶಶಿಮುಖೇರೆಲ್ಲರು ಸಾರಿ ದೂರುತೈದಾರೆ ||

ಗಿಳಿಬಿದ್ದು ಕಂಡು ಬೆದರಿ, ಅವರ
ತೋಳುಗಳ ನಾ ಪಿಡಿದೆ
ಆಲದ ಹಣ್ಣೆಂದು ತುಟಿಗಳ ಸವಿದರೆ
ಬಾಲೆಯರೆಲ್ಲ ಬಾಯಿಮಾಡುತೈದಾರೆ ||

ಹಾವಿನ ಹೆಡೆಗಂಜಿ ಬೆದರಿ, ಅವರ
ನಿರಿಗಳ ನಾ ಪಿಡಿದೆ
ಮಾವಿನ ಹಣ್ಣೆಂದು ಗಲ್ಲವ ಕಡಿದರೆ
ಭಾವೆಯರೆಲ್ಲರು ಬಹಳ ದೂರುತೈದಾರೆ ||

ಗೆಳೆಯರ ಕಂಡು ನಾ ಬಂದೆ, ನಾ
ಸುಳಿದೆ ಅವರ ಮನೆಯ ಮುಂದೆ
ಇಳೆಯೊಳು ಪುರಂದರವಿಠಲರಾಯನ
ಒಳಗೆ ಬಾಯೆಂದು ವನಿತೆ ಕೂತಿದ್ದಾರೆ ||
***

pallavi

Enu mADuvudilliavamma nAnantu nODuvudillavamma

anupallavi

nAnu gOparigAgi manemane suLidare mAninIrellaru dUrumADutaidAre

caraNam 1

kaNNumuccATake nAnu avara baNNada sIreyallaDagidenu

saNNavaNATakke navanIta meddare beNNe kaLLanendu bAyi mADutaidAre

caraNam 2

viSada caLiganji yashOde nA bedari seragane piDide kusurada

ceNDenda kucagaLa piDidare shashi mukhErellaru sAri dUrutaidAre

caraNam 3

giLibiddu kaNDu bedari avara tOLugaLa nA piDide Alada

haNNendu tuDigaLa savidare bAleyarella bAyi mADutaidAre

caraNam 4

hAvina heDeganji bedari avara nirigaLa nA piDide mAvina

haNNendu gallava kaDidare bhAveyarella bahaLa dUrutaidAre

caraNam 5

geLeyara kaNDu nA bande nAnu suLide avara maneya munde

iLeyoLu purandara viTTalarAyana oLage bAyendu vanite kUtiddAre

***