ನೆಚ್ಚಬೇಡ ನೀ ನೆಚ್ಚಬೇಡ ನೆಚ್ಚಬೇಡ ಕುಲಧರ್ಮ ಬಿಟ್ಟು purandara vittala

ರಾಗ ನೀಲಾಂಬರಿ ರೂಪಕ ತಾಳ 

ನೆಚ್ಚಬೇಡ ನೀ ನೆಚ್ಚಬೇಡ ||
ನೆಚ್ಚಬೇಡ ಕುಲಧರ್ಮ ಬಿಟ್ಟು ನಡೆಯಬೇಡ ||

ದೇಹಿಯೆಂದರೆ ನಾಸ್ತಿಯೆನ್ನಬೇಡ ಈ
ದೇಹ ಸ್ಥಿರವೆಂದು ನಂಬಬೇಡ
ದೀನತನದಲ್ಲಿ ದ್ರವ್ಯ ಗಳಿಸಬೇಡ
ದೀನನಾಥನ ನೀ ಮರೆಯಬೇಡ ||

ಹಿರಿಯಲ್ಲದ ಮನೆಗೆ ಹೋಗಬೇಡ
ಲಂಡತನವ ನೀ ಮಾಡಬೇಡ
ಪರಿಪರಿಯ ನಿಂದೆ ನೀ ಮಾಡಬೇಡ
ಪರಮಾತ್ಮನ ನೀ ಮರೆಯಬೇಡ ||

ನೆಂಟರಿಲ್ಲದ ನಾಡಿಗೆ ನೀ ಹೋಗಬೇಡ
ಉಂಟೆಂದು ಒಬ್ಬರ ಕೂಡೆ ಹೇಳಬೇಡ
ಕಂಟಕನಾಗಿ ನೀ ತಿರುಗಬೇಡ ನರ
ಕಂಠೀರವನ ನೀ ಮರೆಯಬೇಡ ||

ಅಂತರಂಗದ ಮಾತು ಅಗಲಿ ಕೆಡಬೇಡ
ಪಂಕ್ತಿಯೊಳು ಪರಿಭೇದ ಮಾಡಬೇಡ
ನಿನ್ನಂಗವನೆ ನೋಡಿ ಹಿಗ್ಗಬೇಡ
ಜಗದಂತರ್ಯಾಮಿಯ ನೀ ಮರೆಯಬೇಡ ||

ತಂದೆತಾಯಿಗೆ ಕೇಡ ನೀ ನೆನೆಯಬೇಡ
ಎಂದಿಗು ಹುಸಿ ಮಾತನಾಡಬೇಡ
ಸಂದೇಹ ಬೇಡ ಸರ್ವೋತ್ತಮನಾದ ತಂದೆ
ಶ್ರೀ ಪುರಂದರವಿಠಲನ ಮರೆಯಬೇಡ ||
***

pallavi

necca bEDa nI necca bEDa

anupallavi

necca bEDa kuladharma biTTu naDEya bEDa

caraNam 1

dEhiyendare nAstiyenne bEDa I dEha sthiravendu namba bEDa

dInatanadalli dravya gaLIsa bEDa dInanAthana nI mareya bEDa

caraNam 2

hariyallada manege hOga bEDa laNDatanava nI mADa bEDa

pari pariya ninde nI mADa bEDa paramAtmana nI mareya bEDa

caraNam 3

neNTarillada nADige nI hOga bEDa uNTendu obbara kUDe hELa bEDa

kaNTakanAgi nI tiruga bEDa nara kaNTIravana nI mareya bEDa

caraNam 4

antarangadi mAtu agali keDa bEDa pangyoLu parabhEda mADa bEDa

ninnangavane nODi higga bEDa jagadantaryAmiya nI mareya bEDa

caraNam 5

tande tAyige keDa nI neneya bEDa endigu husi mAtanADa bEDa

sandEha bEDa sarvOttamanAda tande shrI purandara viTTalana mareya bEDa

***